«Працавалі некалькі тыдняў». Які лагатып выбралі для культурнай сталіцы Беларусі - 2020, і што пра гэта думаюць самі лідчане

У 2020 годзе культурнай сталіцай Беларусі аб’яўлена Ліда. У сувязі з гэтым следам за Гродна ў Лідзе зацвердзілі лагатып горада.

Як паведамляе lidanews.by, праца над лагатыпам вялася некалькі тыдняў. Свае варыянты прапаноўвалі ўстановы культуры: Лідскі гісторыка-мастацкі музей, дзіцячая школа мастацтваў, раённая бібліятэка і Палац культуры.

— Варыянты былі розныя: і з выявай устаноў культуры, і з відамі горада, яго славутасцямі, помнікамі, — патлумачыла начальніца аддзела культуры райвыканкама Наталля Леўшунова. — У выніку спыніліся на Лідскім замку — гэта брэнд, які робіць наш рэгіён вядомым не толькі ў Беларусі, але і за яе межамі. На лагатыпе таксама намаляваны герб горада, ручнік з элементамі белаўзорыстага ткацтва, якое ўваходзіць у спіс нематэрыяльнай культурнай спадчыны Беларусі.

Лагатып, які стане сімвалам Ліды на 2020 год
Лагатып будуць размяшчаць на сувенірнай і друкаванай прадукцыі, афішах.

«Як заўсёды блін. Савок і самадзейнасць», — напісаў на сваёй старонцы ў Facebook гродзенскі дызайнер Дзмітрый Гупянец і прапанаваў ратаваць Ліду. Ён успомніў працу дызайнеркі Крысціны Івановай, якая распрацавала канцэпцыю брэнда для Ліды яшчэ ў 2013 годзе.

Лідскі відэааператар Павел Русіновіч напісаў: «Сказаць, што лідчане расчараваныя дадзеным лагатыпам — нічога не сказаць. Добрага няма нічога: наляпыванне асобных самастойных сімвалаў адзін на аднаго, чарговая ненадакучлівая адсылка да мінулага, ад якога ўжо хацелася б сысці, маса «народных» культурных знакаў, якія самі па сабе больш адлюструюць дух эпохі 1600 года, чым сучасныя рэаліі. Дастаткова ўжо жыць мінулым ментальным кодам. Так, трэба захоўваць традыцыі, шанаваць і памятаць спадчыну, але яе ўжо трэба перапрацаваць, і падаць у мінімалістычным выглядзе сапраўдную нашу сутнасць. Калі не ў выглядзе «хто мы ёсць», то ў выглядзе «да чаго мы хочам імкнуцца»

У 2013 годзе сапраўды выбіралі брэнд для горада. Былі апублікаваныя 8 варыянтаў эмблемы, якія стварылі ў ГрДУ імя Янкі Купалы. Тады працоўная група адмовіліся ад акцэнту на замак, «каб не фармаваць вобраз Ліды як пераважна гістарычнага горада» без сучаснага патэнцыялу, а таксама таму, што лідскі замак, на думку распрацоўшчыкаў, у маштабе краіны губляецца пасля Міра і Нясвіжа.

Лідчане не ацанілі прапановы з ГрДУ. Лідскія дызайнеры арганізавалі альтэрнатыўны праект па стварэнні лагатыпу. Чыноўнікі пагадзіліся, пашырылі склад удзельнікаў і правялі адкрыты конкурс. Лагатып для горада выбіралі гараджане ў інтэрнэце і прафесійныя дызайнеры.

Брэнд, які тады прапаноўвала згаданая Крысціна Іванова, заняў першае месца з 40 праектаў у конкурсе творчых працаў па маркетынгу тэрыторый у 2014 годзе. Вынікі конкурсу падвялі ў Мінску на форуме «Імідж Рэспублікі Беларусь: ствараем і рэалізуем праекты». Крысціна Іванова распрацавала цэльны праект па прасоўванні і брэндаванні горада «Ліда — горад для жыцця і бізнесу»

Падзяліцца

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025