Зможаце аказаць першую дапамогу дзіцяці? Гродзенскі лекар адкрыў незвычайную школу для бацькоў

Гродзенец Максім Таранцэй упэўнены, што ад дзеянняў бацькоў і навакольных залежыць здароўе і жыццё малых. Медык распрацаваў адукацыйны курс і навучае не толькі таму, як правільна аказваць даўрачэбную дапамогу, але і як пазбегнуць экстраных сітуацый з дзецьмі. Нядаўна праект гродзенца SpasiKIDS перамог у конкурсе Social Weekend.

Максім Таранцей працуе анестэзіёлагам-рэаніматолагам ў дзіцячай абласной клінічнай бальніцы горада Гродна, піша 1prof.by. За восем гадоў практыкі ён бачыў не мала і ведае, да якіх наступстваў могуць прывесці несвоечасовыя (або няправільныя) дзеянні. Напрыклад, што трэба рабіць, калі дзіця падавілася і не дыхае? Большасць у такой сітуацыі губляюцца, наносяць ўдары па спіне, сутаргава спрабуюць знайсці інфармацыю ў інтэрнэце ці тэлефануюць 103. Але ёсць так званая «залатая хвіліна», на працягу якой неабходна аказаць дапамогу: менавіта столькі часу пацярпелы яшчэ знаходзіцца ў прытомнасці.

У тым, наколькі важна правільна аказаць першую дапамогу, Максім Таранцей пераканаўся і на асабістым вопыце. Аднойчы яго чатырохгадовая дачка спатыкнулася ля вогнішча і дагадзіла ручкай у вуголле. Дзякуючы таму, што Максім дзейнічаў хутка і правільна (адразу астудзіў ручку дачкі вадой), абышлося без цяжкіх наступстваў.

— Бачачы практычна штодзень, як дзеці паступаюць у лякарню з апёкамі, іншароднымі целамі ў дыхальных шляхах, іншароднымі целамі ў ЖКТ (што толькі не глытаюць: таблеткі, батарэйкі, магніты!). Зразумеў неабходнасць навучання бацькоў, — распавёў Максім Таранцей.

— Заняткі пачаў праводзіць з сакавіка. Распрацаваў тры блокі па паўтары гадзіны: спачатку распавядаю тэарэтычную частку, потым дэманструю, як аказваць неадкладную дапамогу, а потым бацькі адпрацоўваюць практычныя навыкі на ляльках і спецыяльным манекене.

Ідэя Максіма Таранцея перарасла ў праект, накіраваны на стварэнне пастаянна дзеючай школы па навучанні аказання першай дапамогі дзецям.

На рэспубліканскім конкурсе сацыяльных праектаў SocialWeekend за праект «SpasiKIDS. Школа для бацькоў па навучанні першай неадкладнай дапамогі дзецям» папярэдне прагаласавалі 589 чалавек. Ён заняў другое агульнае месца і, прайшоўшы ў фінал, перамог у медыцынскай намінацыі.

У рамках праекта Максім Таранцей праводзіць бясплатныя трэнінгі для бацькоў, якія знаходзяцца ў арганізацыі «Рана» (рэспубліканскае грамадскае аб’яднанне бацькоў неданошаных дзяцей) і «Цэнтр ПОРА» (сацыяльна-дабрачыннае ўстанова для бацькоў дзяцей, якія сутыкнуліся з анкалогіяй), а ў перспектыве плануе супрацоўнічаць з гродзенскім дзіцячым хоспісам. Акрамя гэтага, ён праводзіць бясплатныя трэнінгі ў паліклініцы № 7, дзе арганізавана «Школа будучай маці».

Цяпер «SpasiKIDS» — гэта цэлая каманда аднадумцаў. Ідэю Максіма Таранцея падтрымалі яго калегі - анестэзіёлагі-рэаніматолагі дзіцячай абласной клінічнай бальніцы Святлана Прамачэнка і Ірына Бублевіч. Аўтар праекта спадзяецца, што «SpasiKIDS» будзе запатрабаваны сярод гарадзенцаў і з часам распаўсюдзіцца на іншыя вобласці - гэта можа захаваць здароўе і жыццё не аднаго дзіцяці.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025