Міністр юстыцыі Рэспублікі Беларусь Алег Сліжэўскі распавёў pravo.by аб падрыхтоўцы праектаў новых Кодэкса Рэспублікі Беларусь аб адміністрацыйных правапарушэннях і Працэсуальна-выканаўчага кодэкса Рэспублікі Беларусь аб адміністрацыйных правапарушэннях.
Сярод асноўных змяненняў у праектах КаАП і ПВКаАП плануюць:
- стварыць катэгорыі правапарушэнняў у залежнасці ад ступені грамадскай небяспекі і цяжкасці наступстваў;
- перагледзець і дыферэнцаваць штрафы, іх від і памер у залежнасці ад катэгорыі правапарушэння і нанесенай шкоды;
- удасканаліць і, магчыма, пашырыць пералік падстаў для вызвалення ад пакарання за адміністрацыйную адказнасць, у тым ліку праз малазначнасць парушэння;
- перавесці шэраг адміністрацыйных правапарушэнняў у катэгорыю правін, ўзбуджэнне адміністрацыйнага працэсу па якіх магчыма толькі пасля скаргі пацярпелых;
- упарадкаваць тэрміны накладання адміністрацыйных спагнанняў;
- скараціць кола дзяржаўных органаў і арганізацый, надзеленых правам складаць пратаколы і разглядаць справы аб адміністрацыйных правапарушэннях (магчыма, пашырыць функцыі пракуратуры).
У снежні 2019 года Аляксандр Лукашэнка даручыў стварыць экспертную камісію для перагляду заканадаўства па адміністрацыйных правапарушэннях. Тэрмін для падрыхтоўкі законапраекта — ліпень 2020 года.
