У сярэдзіне студзеня на Замкавай, 12а адкрыецца кавярня «Доппио», якая пазіцыянуе сябе як установа правільнага харчавання.

Новая кавярня адкрыецца ў памяшканні, дзе яшчэ нядаўна працавала крама касметыкі, а да яе — мастацкая майстэрня.

«У нас ужо амаль усё гатова, адкрыемся да сярэдзіны студзеня. Кавярня будзе складацца з дзвюх залаў на 18 пасадачных месцаў. Мы сябе пазіцыянуем, як кавярня з правільным харчаваннем. Правільныя дэсерты — гэта да нас.

Акрамя вялікай кававай карты ў нас будуць веганскія і вегетарыянскія пазіцыі, а таксама нізкавуглеводныя і высокабялковыя дэсерты. Дэсертаў каля 15 відаў, без лактозы. Мы выкарыстоўваем толькі натуральныя інгрэдыенты. Будзе некалькі відаў малака, а таксама свежавыціснутыя сокі", — распавёў уладальнік установы Дзмітрый Мароз.

Што азначае назва?

Doppio, у перакладзе з італьянскай, гэта двайны эспрэса. Ён прыгатаваны на падвойнай колькасці молатай кавы і аб’ёмам у два разы больш за стандартную порцыю эспрэса.


На Замкавай ужо працуюць кавярні «Наша кава» і «Проста кава», а таксама піцэрыя «Pizza&Coffee».

Перадрук матэрыялаў Hrodna.life магчымая толькі з пісьмовага дазволу рэдакцыі. Кантакт info@hrodna.life

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.