Навіны

Варшаву хочуць ачысціць ад савецкай спадчыны і «беларускага духу»

Прэзідэнт Варшавы Рафал Тшаскоўскі хоча змяніць архітэктуру цэнтра Варшавы: лепш выкарыстаць шырокія спраектаваныя ў 1950-х на савецкі лад праспекты, дадаўшы больш зеляніны, ходнікаў і роварных сцежак. «Над імі лунае савецкі і беларускі дух», — цытуе Тшаскоўскага TVN.

Вуліцы, якія будуць змяняць, складаюцца ва «Усмешку Варшавы»
Новая канцэпцыя зменаў называецца «Усмешка Варшавы», бо вуліцы, якія яна закране, на мапе злучаюцца менавіта ў форме ўсмешкі. Гэта не наватарская прапанова — пра такія змены кажуць у Варшаве шмат гадоў, проста не рэалізуюць. Праўда, раней ніхто не казаў пра «беларускі дух» і неабходнасць яго прыбраць.

Напрыклад, ужо ў 2015 казалі пра тое, што варта скараціць колькасць палос на некаторых вялікіх праспектах: іх колькасць даходзіць да пяці ў адзін бок, а калі скараціць іх да трох, то вызваліцца месца пад шырэйшыя ходнікі, роварныя сцежкі і дадатковае азеляненне.

Уверсе — алея Яна Паўла ІІ ў Варшаве сёння, унізе — прапанова звузіць палосы для аўто і пашырыць прастору для пешаходаў і раварыстаў. Гэта прапаноўвалі яшчэ ў 2015 годзе, але дагэтуль не рэалізавалі.

Прэзідэнт Тшаскоўскі хочаць даць больш прасторы раварыстам і пешаходам

Прэзідэнт Тшаскоўскі хочаць даць больш прасторы раварыстам і пешаходам
Раён Палаца Культуры і Навукі, вуліцы Маршалкоўскай, плошчы Канстытуцыі, раён МДМ і наваколлі, якія так хоча ачысціць ад савецкасці Тшаскоўскі, збудавалі ў 1949−55 гадах. Гэта была адна з галоўных сацыялістычных інвестыцый у пасляваеннай Варшаве. Падобная архітэктура з’явілася і ў пасляваенным усходнім Берліне. «Наша н**а» выказала меркаванне, што «беларускі дух» у выказванні прэзідэнта Варшавы звязаны з тым, што пасляваенны Мінск быў адбудаваны ў такім стылі, таму і архітэктура Варшавы 1950-х асацыюецца ў яго з Беларуссю.

Тшаскоўскі спадзяецца, што большасць змен атрымаецца зрабіць да канца яго тэрміну, то бок да 2023 года.

Падзяліцца

Апошнія запісы

У святкаванні Дня перамогі задзейнічаюць жывёлін. Удзельнічае і каза з Гродзенскага заапарка

У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…

9 мая 2025

Аркі на Савецкай ужо ўпрыгожылі кветкамі - гараджане параўноўваюць вуліцу з «маленькай Галандыяй»

Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…

9 мая 2025

Над гродзенскім піўзаводам устанавілі флюгер з сімвалічнай датай. Яго аўтар — знакаміты каваль

У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…

9 мая 2025

Гродзенец знайшоў рэдкія здымкі горада часоў Першай сусветнай вайны

Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…

8 мая 2025

Праўладны Telegram-канал сцвярджае, што ў Гродне няма праблем з бульбай. Гараджане абурыліся

У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…

7 мая 2025

У Беларусі скарачаецца насельніцтва, у Гродне і Лідзе — расце

Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…

7 мая 2025