Чарговае свята моды прайшло ў Гродне 30 лістапада. Яно стала самым маштабным за сем гадоў існавання «Grodno Fashion Show».
У гэтым годзе фестываль змяніў пляцоўку і ўпершыню прайшоў у крытым манежы ЦСК «Нёман». На мерапрыемстве было прадстаўлена 40 калекцый ад маладых дызайнераў і вядомых брэндаў Беларусі. Таксама ўжо які год на «Grodno Fashion Show» прыязджаюць польскія дызайнеры. У 2019 годзе яны прадставілі 8 сваіх калекцый.
Фестываль моды «Grodno Fashion Show» на працягу сямі гадоў штогод праводзіцца кампаніяй «Младзі» пры падтрымцы дзяржаўнага канцэрна «Беллегпрам».
