План аднаўлення гістарычнай забудовы ў цэнтры Гродна распрацуюць у 2020 годзе

Ўрад выбраў 26 горадабудаўнічых праектаў, якія распрацуюць у 2020 годзе, паведамляе БЕЛТА. Сярод іх — Гродна і Аўгустоўскі канал.

У наступным годзе плануецца падрыхтаваць планы цэнтраў Пінска, Полацка, Мазыра і Гродна з праектам аднаўлення гістарычнай забудовы. Акрамя таго, будуць распрацаваны дэталёвыя планы курорта рэспубліканскага значэння “Наваельня”, зон адпачынку “Вілейка” і “Чыгірынка”, участкаў “Сонічы” і “Цыбуліна-Бержеваты” турысцка-рэкрэацыйнага парку “Аўгустоўскі канал”.

Тады ж з’явяцца схемы комплекснай тэрытарыяльнай арганізацыі некаторых раёнаў краіны. У Гродзенскай вобласці, напрыклад, займуцца Дзятлаўскім раёнам.

Гэта рашэнне замацавала пастанова Савета Міністраў Рэспублікі Беларусь ад 28 лістапада 2019 года №816.

Spelling error report

The following text will be sent to our editors: