Кіраўнік БТ: вобраз Каліноўскага цяпер выкарыстоўваецца як інструмент расколу

У пятнічным выпуску “Клуба рэдактараў” абмяркоўвалі перапахаванне Кастуся Каліноўскага. Дырэктар Белтэлерадыёкампаніі Іван Эйсмант заявіў, што яго вобраз выкарыстоўваецца для расколу беларускага грамадства, паведамляе euroradio.fm.

“Ён [Каліноўскі] цяпер выкарыстоўваецца як інструмент расколу. Дзяржава прызнае заслугі Каліноўскага. Віцэ-прэм’ер паехаў на цырымонію. У нас вуліцы называюць яго прозвішчам. Але яго дэманстратыўна кладуць пад бел-чырвона-белы сцяг. Дэманстратыўна ставяць у супрацьвагу цяперашняй дзяржаве і цяперашняй Беларусі. Такім чынам расколваюць сітуацыю”.

Падставай для такой заявы стала крытыка з боку незалежных журналістаў у адрас дзяржаўных СМІ. Журналісты тэлеканала “Беларусь 1” і дзяржаўнага інфармацыйнага агенцтва БЕЛТА праігнаравалі ў сваіх рэпартажах з перапахавання Кастуся Каліноўскага беларусаў з нацыянальнымі бел-чырвона-белымі сцягамі. Аказалася, што на іх думку нацыянальнай сімволікі там не было.

Spelling error report

The following text will be sent to our editors: