У Гродне прапануюць бясплатны шынамантаж для тых, хто возьме сабе сабаку ці котку

«Вазьмі сабаку або котку ў „Адданым сэрцы“ і атрымай шынамантаж бясплатна» — такая акцыя стартавала ў суботу ў Гродне. Карэспандэнт «АвтоГродно» звязаўся з арганізатарамі і даведаўся падрабязнасці.

Арганізатар акцыі - Гродзенскае грамадскае аб’яднанне абароны жывёл «Адданае сэрца». З 2011 года арганізацыя дапамагае знайсці гаспадароў для сабак і катоў. Перад тым, як у жывёлы з’яўляецца новы гаспадар, сабаку або котку паказваюць ветэрынару, робяць прышчэпкі і стэрылізацыю, апрацоўваюць ад розных паразітаў.

Зараз у «Адданым сэрцы» каля 50 сабак і 50 катоў. Перад пачаткам халадоў жывёлам важна знайсці сабе дом і любячыя рукі, таму і стартавала акцыя.

— Акцыю прыдумаў наш памочнік Міхаіл Ліс. Ён дамовіўся з шынамантажом на Таўлая і Сакольскай. Мы раздрукавалі ўлёткі і сталі раздаваць на рынку «Карона» у зале «А» і на прыпынках грамадскага транспарту, — распавядае «АвтоГродно» старшыня ««Адданага сэрца» Алена Вітальеўна.

— Колькі людзей звярнулася па акцыі?

— Яшчэ ніхто, але ў панядзелак сям’я прытуліла сабе котку і гэтая акцыя стала для іх прыемным бонусам. Гэта наш спосаб сказаць «дзякуй», — кажа Алена Вітальеўна.

— Ці можа быць такое, што чалавек дзеля эканоміі на шынамантажы возьме сабе сабаку, напрыклад, а пасля растанецца?

— Мы не аддаем жывёлу абы каму. Да нас прыходзяць, знаёмяцца з жывёламі, часам па некалькі тыдняў выгульваюць, разумеюць, што гэта менавіта іх жывёла. Толькі пасля гэтага мы афармляем дагавор з подпісамі і пячаткамі, — кажа старшыня.

Дарэчы, «Адданаму сэрцу» патрэбна дапамога валанцёраў, часам трэба зусім невялікая. Можна нават быць не валанцёрам, а памочнікам валанцёра. Калі вы гатовыя дапамагаць або шукайце сабе вернага чатырохлапага сябра, зазірайце ў суполку «Преданное сердце».

Падзяліцца
Меткі: аўтожывёлы

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025