Навіны

Што замежнікі думаюць пра выбраны брэнд Гродна

Брэнд горада павінен прыцягваць турыстаў - у тым ліку замежных. Мы запыталі ў замежнікаў, якія пэўны час жылі ў Гродне, што яны думаюць пра выбраны ў конкурсе лагатып? Ці паказалі б яго сваім сябрам, каб запрасіць у Гродна?

Звярніце ўвагу, што апытаныя — не спецыялісты ў дызайне, а звычайныя людзі, на якіх брэнд і павінен арыентавацца.

Таксама звярніце ўвагу, што мы папрасілі ацаніць той варыянт, які даступны зараз. Ён будзе яшчэ дапрацаваны аўтарамі, таму можа змяніцца. Але менавіта такі выбрала для горада адмысловая камісія.

Кася Рамбеза, полька

— Па-першае: як зрабіць, каб іншаземцы, якія не ведаюць кірыліцу, зразумелі? Бо турысты не толькі рускія [маецца на ўвазе, што асноўнай мовай, на якой быў пачаткова прэзентаваны брэнд, была руская — рэд.]. Па-другое, наколькі ўсім зразумела, што Гродна — гэта святы Губерт? Для нас гэта відавочна. Але для турыстаў не вельмі.

Калі шчыра, не магу прыдумаць адну канкрэтную асацыяцыю з горадам. Гэта, дарэчы, таксама паказчык. Па-мойму, турыстычны патэнцыял Гродна і Беларусі ў тым ліку не відавочны. Адна асацыяцыя: горад культур і канфесій — мноства храмаў.


«Сказали изменить только слоган». Брестчане рассказали, почему их проект бренда Гродно победил в конкурсе


Вольга Галецка, полька

— У новавыбраным брэндзе горада няма хіба нічога, што бы мне спадабалася. Слоган зусім неарыгінальны [гарвыканкам даў аўтарам брэнду заданне — прыдумаць іншы, лепшы слоган — рэд.], калі я яго чытаю, адразу думаю пра гэты жудасны слоган «Люблю цябе Беларусь», ці нешта такое, які зусім несапраўдны і родам з саўка. Любоў - гэта пачуццё. Я не бачу пачуцця любові да горада на гэтым брэндзе.

Што тычыцца колераў - выглядаюць так, быццам дызайнеры хацелі, каб выглядала ўсё сучасна, але нешта пайшло не так. Яны не вельмі пасуюць адзін да аднаго і ў цэлым не вельмі зразумела, чаму яны такія, а не іншыя. Яны не выразныя і не пастэльныя, а нешта паміж, невядома што. Дарэчы, слоган зусім не чытабельны.

І ўвогуле. У мяне няма адчування, што акурат алень Губерта павінен стаць брэндам горада. Мне здаецца, што ён усе ж такі не да канца сімвал. У мяне Гродна не асацыюецца з аленем. У мяне Гродна асацыюецца з Каложай, Фарай Вітаўта, дворыкамі. На жаль, не асацыюецца з замкам, а магло б. З Нёманам, нават з драмтэатрам, але яго я б на лога не змяшчала. З нечым, пра што, калі мы зірнем на лога, — адразу зразумеем што гэта ў Гродне.

Такі лагатып я бы знаемым не паказала, таму што ён не прыцягвае і не паказвае горада, ягонай атмасферы. Лепш паказала бы ўжо фотачкі.

Алег Сухараў, украінец

— «Я люблю тебя» — гэта надта пафасна, я б такога не пісаў. Чаму па-расейску — Гродно, а не Гродна? Неяк вельмі квадратна. Можна было і больш прыгожа, фраза «Я люблю тебя» за колерамі губляецца.

Я думаю, ніхто лагатыпы не паказвае сябрам, каб запрасіць. А асацыацыя з Гародняй — Неман, Каложа, Фарны.


«Алень і так на гербе ёсць». Мастацтвазнаўцы, мастакі і экскурсаводы пракаментавалі новы брэнд Гродна


Пшэмэк Кучынскі, паляк

— На першы погляд мне лагатып спадабаўся. Герб горада перададзены сучасным чынам, але колеры могуць быць крыху больш жывымі, цяплейшымі, хаця я ведаю, што яны былі ўзятыя з афіцыйнага герба горада.

Лозунг пасуе да ўсяго і да нічога. Я не ведаю, ён больш выказвае пачуцці жыхароў ці спрабуе пераканаць іх. Я прывык да лозунгаў, якія неяк спрабуюць адлюстраваць тое, што характарызуе горад і яго жыхароў, паказаць тое, чым яны ганарацца.

Брэнд не адпавядае атмасферы горада, не адлюстроўвае яго дух. Аднак ён нясе пазітыўны вобраз месца, дзе мы можам адчуваць сябе добра, сагравае вобраз горада. Тэхнічна і графічна гэта правільна, але я не ведаю, ці змогуць жыхары з гэтым атаясамлівацца. Што датычыцца турыстаў, то пры першым кантакце яны павінны пазітыўна рэагаваць, а пасля знаёмства з горадам — не абавязкова. Лагатып не будзе западаць у памяць.

Я б не паказаў сябрам брэнд горада. Не думаю, што гэта нешта выбітнае, што само па сабе можа заахвоціць каго-небудзь наведаць. Не перашкаджае, але і не дапамагае. З Гродна ў мяне асацыююцца замкі. Каралеўскі горад. Горад многіх культур і рэлігій. Сталіца наднацыянальнай уніі.

Аляксандра Ілюкевіч, беларуская немка

— Мне не хапае колеру заходу сонца ў гэтым усім. Таму што ў мяне асацыяцыя з Гродна — як я хаджу праз мост і знізу Нёман… Нёман, рэчка, парк Румлёўскі, як я пераходжу праз мост і бачу стары горад.

Мне не хапае колеру заходу. Якога-небудзь ружовенькага з аранжавым — такая сумесь. Ну і як на мяне, цёмна-сіні - сумны колер. Я б зрабіла яго весялей, або ўжо чорны выкарыстоўвала б. І дадала б хвалі нашага цудоўнага Нёмана.

Мае асацыяцыі з горадам гэта Нёман. Мне здаецца, гэта вельмі важны элемент Гродна — ёсць гасцініца «Нёман», крама «Нёман», іншыя брэнды з такой назвай. А наогул, мне лепш запомніліся пахі горада.


Брэнд Гродна мог быць іншым? Глядзі, як галасавалі чальцы журы і чаму перамог Брэст


Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025