Навіны

Патанчыць на карысць дзяцей запрашае Friendship Session

Спалучыць адпачынак пад добрую музыку з дабрачыннасцю прапануюць моладзі гродзенскія музыкі. У бары «Крэйзі дог» яны арганізуюць сяброўскую вечарынку, а сродкі за ўваходныя білеты цалкам перададуць дзіцячаму хоспісу. Грошы патрэбны, каб набыць апарат для экспрэс-аналізаў крыві дома ў пацыэнтаў.

«Мы вырашылі сабраць сяброў у вялікай залі, каб разам „адарвацца“ пад добрую музыку. Мы — гэта Эдгар Кашэўнік, Марыя Макар і Віктар Пракопаў», — расказвае пра сваю каманду адзін з арганізатараў вечарынкі, Эдгар. Сам ён займаецца электроннай музыкай і прадзюсіраваннем артыстаў ужо больш за 10 гадоў. «Мы чакаем моладзь на вечарынку і прапануем спалучыць карыснае з прыемным».

Friendship Session з канцэртам

«Такой музыкі, як мы будзем іграць, у горадзе амаль нідзе няма, — расказвае Эдгар. — Шмат хто з гродзенцаў ездзіць на падобныя вечарынкі ў Мінск і нават за мяжу. Раней мы праводзілі ў Гродне падобныя імпрэзы, а потым быў перапынак на пару гадоў. Зараз вырашылі іх аднавіць і вярнуць на сцэну у абноўленым, дабрачынным фармаце. Чакаем на канцэрце спецыяльнага госця SMOKY D — LIVE, JUNGLE DJ SET. З лакальнай падтрымкі будуць COOPER — Drum & Bass, DE’LAUT — Tech House, VLAD HARDY — Bass House, SYNTHFUNKERS — Synthfunk Special Set, SHIFU aka FLASHMAN — Bass \ Future House».

«Думаю, што многіх зацікавіць добрая музыка, бо часта ва ўстановах горада гучыць адно і тое ж, — мяркуе Марыя Макар, — Любімыя трэкі застаецца слухаць толькі ў навушніках, сам-насам з сабою. Але мы вырашылі змяніць сітуацыю. Хочацца ад душы падзяліцца любімай музыкай і пры гэтым заахвоціць людзей да дабрачыннасці. Гэта ж так проста — прыйсці адпачыць, патанчыць і пры гэтым дапамагчы дзецям».


У Гродне адкрыўся бар Crazy Dog: глядзі фота з першай паці


Сродкі, сабраныя на вечарынцы, будуць перададзены ў дзіцячы хоспіс, каб набыць апарат для экспрэс-аналізаў крыві. «Такі апарат дазваляе зрабіць аналіз і атрымаць вынік адразу дома ў пацыента, пры планавым візіце лекара», — расказвае кіраўнічка дзіцячага хоспіса Вольга Вялічка.

Лабараторыя для экспрэс-аналізаў патрэбна іх падапечным кожны дзень. «Зараз у нас няма такога абсталявання і даводзіцца замаўляць аналізы ў паліклініцы». Гэта значыць, што лекар перад наведваннем хворага дзіцяці павінен скіраваць туды запыт. Далей паперы пойдуць у лабараторыю. Адсюль накіруюць лабаранта, каб паехаў да дзіцяці і зрабіў аналіз. Вынікі аналізаў будуць рухацца да лекара па тым жа ланцужку ў зваротным накірунку. На гэта губляецца шмат часу, якога ў паліятыўных дзяцей можа не быць у запасе. З партатыўным апаратам лекар змог бы сам, на месцы ўзяць аналіз крыві і аператыўна прызначыць ці скарэктаваць лячэнне.


Вольга Вялічка: «За 10 гадоў кіравання хоспісам я навучылася ўсяму»


Апарат для экспрэс аналізу крыві каштуе каля трох тысяч еўра. «Мы разумеем, што гэта вялікія грошы і цяжка столькі сабраць за адзін раз. Але любая сума — гэта больш за нуль, — кажа Вольга Вялічка. — Кожны ахвяраваны рубель наблізіць нас да таго, каб зрабіць дапамогу дзецям з хоспіса больш эфектыўнай».

Арганізатары вечарынкі кажуць, што найперш хочуць «проста сабраць сяброў» - расказаць гродзенскай моладзі пра новы цікавы адпачынак. Для іх магчымасць прадставіць сваю музыку разам з дабрачыннасцю — гэта эксперымент. «Мы робім вечарынку, таму што нам гэта ў кайф, нам цікава. Чакаем каля 1000 чалавек. Прыходзьце і упэўніцеся самі, як проста зрабіць добрую справу і як з маленькіх асабістых унёскаў збіраецца вялікі вынік».

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025