Мітрапаліт Кандрусевіч: Касцёл адкрыты для гомасэксуалаў

Падчас пастырскай сустрэчы духавенства і кансэкраваных асобаў Міншчыны, якая праходзіла 24 кастрычніка ў Чырвоным касцёле, арцыбіскуп Тадэвуш Кандрусевіч казаў пра магчымасць спецыяльнага душпастырства гомасэксуалаў у Касцёле на Беларусі, піша catholic.by.

Як зазначыў Кандрусевіч, падобныя ініцыятывы ўжо даўно існуюць у свеце. Спецыяльнае душпастырства для гомасэксуалаў, якое праводзіцца ў многіх касцёльных супольнасцях за мяжой, мае на мэце не стварыць нешта накшталт «рэзервацыі», а наадварот, выйсці насустрач людзям.

Гэтая ініцыятыва ніякім чынам не супярэчыць таму, што Касцёл на Беларусі паслядоўна выступае ў абарону інстытуту сям'і і актыўна падтрымлівае скіраваныя на гэта грамадскія ініцыятывы, зазначае catholic.by.

«Гаворачы на поўны голас пра недапушчальнасць распаўсюджвання гендарнай ідэалогіі і асабліва ЛГБТ-прапаганды сярод падрастаючага пакалення, Касцёл пры гэтым ніякім чынам не спрабуе шальмаваць, стыгматызаваць ці адштурхнуць ад Хрыста і Яго любові ніводнага чалавека», — цытуе мітрапаліта сайт.

Гомасэксуальнасць параўналі з алкагалізмам?

Як зазначыў на сустрэчы старшыня Экспертнай рады па пытаннях жыцця i сям’i пры Мінска-Магілёўскай архідыяцэзіі кс. прэлат Андрэй Стэцкевіч, называючы па імені грэх і асуджаючы яго, Касцёл не асуджае людзей, каб не згубіць самога чалавека. Нават лексіка Касцёла ў гэтай сферы перадусім падкрэслівае годнасць чалавечай асобы.

Святар нагадаў, што ў нашай краіне ўжо даўно паспяхова дзейнічае душпастырства людзей з залежнасцямі. Групы самадапамогі накшталт Ананімных алкаголікаў дзейнічаюць пры многіх каталіцкіх парафіях, дапамагаючы сотням людзей. Падобным чынам можа дзейнічаць таксама душпастырства дляя гомасэксуалаў, якія жадаюць жыць у згодзе з Божым законам і са сваім сумленнем.

Калі ініцыятыва спецыяльнага душпастырства гомасэксуалаў патрабуе грунтоўнай распрацоўкі і падрыхтоўкі, ужо сёння каталіцкія святары гатовыя прыняць кожную такую асобу і даць неабходныя духоўныя рэкамендацыі.

Падзяліцца
Меткі: рэлігія

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025