ЗША заклікаюць Літву і Беларусь падтрымліваць дыялог у пытанні аб Беларускай АЭС, якая будуецца ў Астраўцы. Прычым ЗША нават маглі б пастаўляць для яе паліва, заявіла намесніца міністра энергетыкі ЗША Рыта Барануол.
«ЗША заклікаюць Літву і Беларусь працягваць зносіны і захаваць празрыстасць. Я б сказала, што рэактары ВВЭР, падобныя да ўсталяваных на БелАЭС, бяспечна працуюць у свеце. У будучыні паліва збольшага маглі б пастаўляць і амерыканскія пастаўшчыкі паліва. Гэта ўжо робіцца на некаторых электрастанцыях у свеце «, — сказала Барануол ў панядзелак агенцтву BNS.
Раней міністр энергетыкі ЗША Рык Пэры, які знаходзіцца з візітам у Вільнюсе, заявіў, што Літва павінна мець зносіны з МАГАТЭ і Беларуссю з нагоды БелАЭС у Астраўцы. ЗША не будуць удзельнічаць у перамовах па гэтым пытанні, паведамляе interfax.by.
«Так, мы гэта абмяркоўвалі. Я думаю, што ўсе асцярогі з нагоды атамнай станцыі, — калі дазволіце, паўтару іх ацэнкі, я там не быў, не паглыбляўся ў гэта, таму паўтару тое, чым падзяліўся прэзідэнт (Літвы — ІФ) і іншыя. Ёсць асцярогі з нагоды бяспекі электрастанцыі ў працэсе будаўніцтва «, — сказаў Пэры на прэс-канферэнцыі ў панядзелак, адказваючы на пытанне агенцтва BNS.
«Ёсць МАГАТЭ, і роля гэтага агенцтва — забяспечыць, каб такія аб’екты адпавядалі міжнародным стандартам», — адзначыў ён.
«Не ў нашых мэтах весці перамовы аб будаўніцтве атамнай станцыі ў Еўропе, і я б сапраўды пакінуў бы гэта лідэрам краіны, і ў вядзенні перамоваў з беларусамі і МАГАТЭ», — дадаў Пэры.
Пасля сустрэчы з Пэры літоўскі прэзідэнт Гітанас Наўседа выказаў надзею Літвы на тое, што «ЗША актыўна ўступяць у дыялог з Беларуссю з мэтай забеспячэння бяспекі БелАЭС».
«Гэтая электрастанцыя ўяўляе і небяспеку гібрыдных пагроз у рэгіёне Балтыйскіх краін, таму вельмі важна, каб ЗША звярнулі ўвагу на бяспеку і захаванне дэмакратычных каштоўнасцяў у Еўропе», — адзначыў прэзідэнт.
Урад Літвы сцвярджае, што БелАЭС, якая знаходзіцца ў 50 кіламетрах ад Вільнюса, будуецца без захавання стандартаў бяспекі і экалогіі. Менск гэтыя абвінавачванні катэгарычна адхіляе.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…