У Шчучыне малады чалавек выгадаваў тры кусты канопляў. Што яму будзе?

У Шчучыне затрыманы 24-гадовы мясцовы жыхар. Маладому чалавеку інкрымінуюць сувязь з наркатычнымі рэчывамі, дакладней – вырошчванне канопляў, паведамляе grodno.mvd.gov.by.

Каноплі ён вырошчваў ў лесе. Як паведаміў, выключна «для сябе». Увесну замовіў насенне па інтэрнэце, за імі з’ездзіў у сталіцу, і ў ліпені пасадзіў. Для таго, каб праца не аказалася марнай, угнойваў зямлю. Усяго вырасла тры куста, частку ўраджаю малады чалавек ужо сабраў, але спажыць не паспеў – быў затрыманы з імі.

Па ч.1 ст.329 КК РБ «Пасеў або вырошчванне забароненых да апрацоўкі раслін ці грыбоў, якія змяшчаюць наркатычныя сродкі або псіхатропныя рэчывы» распачата крымінальная справа.

Каментары

Spelling error report

The following text will be sent to our editors: