Цяпер жыхарам Фолюша не трэба ехаць па піццу ў цэнтр. У гандлёвым цэнтры «Фламинго» адкрылася сетка піцэрый «Pizza&Coffee». Час працы — з 11.00 да 23.00. Піцэрыя запрацавала яшчэ ў сярэдзіне жніўня, але афіцыйнае адкрыццё адбылося ў мінулую нядзелю.

Pizza & Coffee працуе ў Беларусі 7 гадоў. Мае 25 відаў піцы, 15 відаў сушы, 8 відаў бургераў. У меню таксама — кава, нагетсы, бульба фры і салодкія дэсерты. У Гродне аб’екты сеткі ёсць яшчэ ў цэнтры, на Дзевятоўцы, Альшанцы і БЛК.

У 2015 годзе яны ўжо адкрываліся на Соламавай, 70, але хутка закрыліся. Гэта другая спроба «замацавацца» на Фолюшы.

Фота: www.instagram.com/pizzacoffee.by