Старшыня грамадскага аб’яднання «Матчын рух 328» Ларыса Жыгар 16 верасня правяла свой першы пікет каля МЦ «Гродна». Яна балатуецца ў 49-й Занёманскай акрузе — гэта раён Фолюша, вуліц Суворава, Рэпіна.
Ларысе Жыгар 59 гадоў, яна пенсіянерка, актывістка і чалец Беларускай сацыял-дэмакратычнай партыі «Грамада».
— Я перш за ўсё з’яўляюся кіраўніком грамадзянскай ініцыятывы «Матчын рух 328». Я пайшла ў кандыдаты ў дэпутаты ў Палату прадстаўнікоў ад Беларускай сацыял-дэмакратычнай партыі «Грамада», у якую я ўваходжу каля года. Мяне вылучылі мае паплечнікі па партыі, — распавядае Ларыса Жыгар. Распавядаць аб праграме і планах яна пакуль не мае права — гэта абмежаванне заканадаўства.
Яна спадзяецца сабраць галасы і робіць стаўку на моладзь. Ініцыятыўная група будзе працаваць па адрасах. У будучыні пікеты пройдуць каля ўніверсама «Сувораўскі», каля кінатэатра «Кастрычнік» і каля «АЛМІ» на Савецкіх памежнікаў.
«Матчын рух 328» — гэта ініцыятыва жанчын, чые сваякі атрымалі тэрмін па «наркатычным» артыкуле 328. Іх мэты — садзейнічанне прафілактыцы распаўсюджвання наркотыкаў, прапаганда здаровага ладу жыцця, аказанне неабходнай дапамогі і падтрымкі асуджаным і асобам, вызваленым з месцаў пазбаўлення волі, а таксама членам іх сем’яў. Яны змагаюцца за зніжэнне тэрмінаў па артыкуле і прыцягваюць да сябе ўвагу зваротамі да прэзідэнта і галадоўкамі.
Вылучэнне прэтэндэнтаў у кандыдаты ў дэпутаты парламента пачалося з 8 верасня. Яно працягнецца па 7 кастрычніка. Выбары ў Палату прадстаўнікоў адбудуцца 17 лістапада.
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…