«Цяпер ні праехаць ні прайсці». На Рабочай з-за моцных дажджоў разбурыўся мост

З-за моцных ранішніх дажджоў 21 жніўня на вуліцы Рабочай быў разбураны мост праз Гараднічанку. Мясцовыя кажуць, што гэтага варта было чакаць даўно.

Мост знаходзіўся каля дома №17, дзе жыве 80-гадовы Тадэвуш Станеўскі. Гродзенец неаднаразова ўздымаў тэму ачысткі ракі і навядзення парадку на тэрыторыі. Штогод пасля моцных дажджоў участак пенсіянера затапляе, а пасля сённяшніх ападкаў быў разбураны мост праз Гараднічанку.

«Сёння лівень такі моцны быў, што вада ўвесь час прыбывала зверху, вымыла грунт з-пад пад панэляў, яны і абрынуліся са стойкай. Мост быў добры, але прайшло 25 гадоў і пастаянныя ападкаў падмывалі яго апоры, вось ён і паваліўся. Цяпер ні праехаць ні прайсці. Мне 80 гадоў і сам я ўжо не маю сіл яго зрабіць, дапамагаць няма каму, будзем спадзявацца на гарадскія службы», – распавёў пенсіянер.

«Цяпер ні праехаць ні прайсці». На Рабочай з-за моцных дажджоў разбурыўся мост

Год таму пасля шматлікіх зваротаў жыхароў вуліцы Рабочай гарадскія службы паглыбілі і ачысьцілі рэчышча Гараднічанкі аж да Нёмана. Пасля гэтага падтапляюць гараджан стала менш.

«Было нешта зроблена, але праблемы ўсё яшчэ застаюцца. І разбурэння нашага моста варта было чакаць», – дадаў Тадэвуш Станеўскі.

«Цяпер ні праехаць ні прайсці». На Рабочай з-за моцных дажджоў разбурыўся мост
«Цяпер ні праехаць ні прайсці». На Рабочай з-за моцных дажджоў разбурыўся мост
«Цяпер ні праехаць ні прайсці». На Рабочай з-за моцных дажджоў разбурыўся мост

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: