На мінулым тыдні добра знаёмы гродзенцам танк Т-34−85 на Савецкай плошчы пачалі рэстаўраваць і прыводзіць у парадак да Дня горада. Калі рабочыя адчынілі завараны больш за паўстагоддзі таму люк, там выявілі шкляную бутэльку. Усярэдзіне — дзве цыдулкі, датаваныя 4 лістапада 1967 года, з «прывітаннямі з мінулага» ад двух вайскоўцаў - хутчэй за ўсё, салдат тэрміновай службы.
Адна з запісак нават падпісана «сынам Узбекістана» нейкім Чори Эшбоевым, піша grodnoplustv.by. На цыдулках указана воінская часць 12 324, павярхоўны пошук у інтэрнэце не даў інфармацыі аб гэтай частцы. Але спецыялісты маюць намер даведацца ісціну.
— Цяпер рыхтуецца ліст, будзе адпраўлена ў амбасаду Узбекістана, каб аказалі нам садзейнічанне ў пошуку гэтага шэрагоўца. Спадзяемся, што ён будзе жывы, цэлы і здаровы, і мы будзем вельмі рады бачыць яго на святкаванні Дня горда Гродна 13−14 верасня, — расказаў Сяргей Сямашка, намеснік генеральнага дырэктара Гродзенскай гарадской ЖКГ.
Раней дата устаноўкі гэтага танка на Савецкай была расплывістая — канец шасцідзесятых, цяпер, верагодна, гэтыя запіскі ўнясуць пэўныя карэктывы ў гісторыю горада. Яны будуць перададзены гісторыкам для больш дэталёвага вывучэння. Хутчэй за ўсё, запіскі патрапілі ўнутр танка ў самы апошні момант перад тым, як люк быў завараны — так парыў двух салдат стаў сапраўднай капсулай часу.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…