Вулічны музыкант Аляксандр Зімін вядомы ў горадзе ігрой на хэндпане. 28 ліпеня ён прадэманстраваў гродзенцам ігру на вулічным фартэпіяна, якое ўсталявалі на Савецкай на час Фестывалю вулічных мастацтваў.
На вуліцы Савецкай Аляксандр іграе з лета 2018 года. Да гэтага ён два гады іграў каля Старога замка. Хэндпан — незвычайны інструмент у выглядзе лятаючай талеркі - ужо стаў славутасцю цэнтра Гродна. На фартэпіяна Аляксандр іграе пераважна дома, але калі з’явіўся вулічны інструмент на Савецкай, ён вырашыў выканаць некалькі сваіх кампазіцый.
«Я іграю не толькі на талерцы, але і на іншых інструментах, — распавядае Аляксандр. — Толькі на гітары два гады вучыўся іграць у цэнтры творчасці дзяцей і моладзі „Прамень“ у Вольгі Полазевай. Яшчэ ў 10−11 гадоў яна дапамагла мне паверыць у сябе і пайсці далей, нягледзячы на абставіны. У астатнім — самавук. Іграю на фартэпіяна з таго моманту, як з’явілася ўласнае, ужо гадоў 10. Я гучна не распавядаю, што іграю на гэтым інструменце, толькі часам у групах у сацыяльных сетках праскоквае інфармацыя, што я пішу інструментальную музыку».
Аляксандр ужо даўно шукае аркестр, які пераклаў бы некаторыя яго кампазіцыі на сімфанічнае гучанне. У свой час музыка пісаў у аркестр Міхаіла Фінберга, але яны адказалі, што працуюць толькі з прафесіяналамі.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…