У Гродне будзе на адзін хостэл больш. Да канца чэрвеня на вуліцы Маставой, у будынку былой пальчаткавай фабрыкі, адкрыецца хостэл пад назвай «Гостим».
Новы хостэл спачатку будзе разлічаны на 26 месцаў, у будучыні плануецца пашырэнне да 50. Пакуль ён складаецца з шасці пакояў. Як распавёў Hrodna.life адзін з уладальнікаў, у хостэле будуць арыентавацца на сярэдні чэк за начлег у Гродне — прыкладна 20 рублёў (10 $).
Сёння ў Гродне працуюць чатыры хостэлы: «Kip Town» і «Сарматыя» на Карла Маркса, «Цэнтр» на Савецкай і «Old bridge» на Суворава. «Гостим» будзе пятым. Да канца лета плануюць адкрыць яшчэ самы вялікі хостел у Гродне на 100 месцаў на вуліцы Ажэшкі.
