5 чэрвеня адну з цэнтральных вуліц Гродна, Вялікую Траецкую, закрылі для руху. Тут адначасова працуюць і дарожна-будаўнічыя, і камунальныя службы. За 20 дзён удалося прайсці вялікі аб’ём працы — замяніць камунікацыі ўздоўж вуліцы і пакласці першы пласт асфальту. Адкрыць рух збіраюцца 28 чэрвеня.
Як высветлілі ў autogrodno.by, вуліцу імкнуцца адкрыць для руху ў бліжэйшыя дні. Паглядзіце ў рэпартажы, як цяпер выглядае Вялікая Траецкая, на якой не толькі абнавілі асфальт, але і пашырылі праезную частку.
Уздоўж вуліцы зараз зноўку усталёўваюць дарожныя знакі. Паводле патрабаванняў, адлегласць ад знакаў да бардзюрнага каменя павінна складаць метр. Праезную частку пашырылі і знакі давялося перастаўляць.
Работы па абнаўленні ходнікаў і пляцовак вядуць літаральна на ўсіх сумежных тэрыторыях. Напрыклад, абнаўляюць пляцоўку каля харальнай сінагогі.
Далей па вуліцы выкладзены ніжні пласт асфальту, цалкам заменены бардзюрны камень.
Цікава, што будаўнікі не засталіся ў адзіноце. Вакол ходзіць шмат пешаходаў і нават умудраюцца праязджаць аўтамабілісты.
Чакаецца, што пасля адкрыцця руху праз абноўлены ўчастак вуліцы працы працягнуцца на ходніках.
На другім участку вуліцы вядуць працы на ходніках.
Як даведўся autogrodno.by, рух адкрыюць па ніжнім слою асфальту перад выхаднымі, 28 чэрвеня. Спецыялісты два тыдні будуць назіраць за станам праезнай часткі, ці не дасьць пакрыццё дзесьці прасадку. Затым вуліцу яшчэ раз перакрыюць і пакладуць фінальны асфальт. Працы зоймуць прыкладна 2 дні.
Што тычыцца другога ўчастку Вялікай Траецкай, то яго перакрыцце пакуль не плануецца. Гэты ўчастак больш складаны і дарагі. З яго перакрыццем будзе немагчымы рух тралейбусаў.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…