Падчас нарады з удзелам старшыні Сьледчага камітэта Івана Наскевіча прадстаўленыя вынікі расьсьледаваньня крымінальнай справы, пачатай пасьля сьмерці навучэнца Лідзкага філіяла Гарадзенскага дзяржаўнага вучылішча алімпійскага рэзэрву, піша s**boda.org.
16-гадоваму хлопцу былі нанесена цяжкае цялеснае пашкоджаньне. Старшыня Сьледчага камітэта сказаў, што трагедыя ў Лідзе «не зьяўляецца прыватным выпадкам», паведамляецца на сайце СК. Праблемы ў дзейнасьці вучылішча маюць «сыстэмны характар».
Паводле Івана Наскевіча, за апошнія гады выхаванцаў абвінавачвалі ў шэрагу злачынстваў, што стала вынікам «бескантрольнасьці за імі з боку трэнэраў, выкладчыкаў, выхавальнікаў і службовых асоб абласнога ўзроўню, якія закліканы каардынаваць і кантраляваць адукацыйны і выхаваўчы працэс».
Глыбіня праблем у сыстэме навучаньня і падрыхтоўкі спартоўцаў прымусіла актуалізаваць гэтую тэму на ўзроўні кіраўніцтва аблвыканкаму.
Старшыня Гарадзенскага аблвыканкаму Уладзімер Краўцоў і памочнік прэзыдэнта — інспэктар па Гарадзенскай вобласьці Іван Лаўрыновіч сказалі, што ў аснове ўсіх выкрытых праблем ляжаць «сыстэмныя пралікі ў падборы і расстаноўцы кадраў».
Як паведамляла раней прэс-служба Міністэрства спорту і турызму, у Лідзе, у філіяле Горадзенскай дзяржаўнай вучэльні алімпійскага рэзэрву, 1 красавіка памёр навучэнец 10-й клясы аддзяленьня цяжкай атлетыкі Андрэй Дараховіч. Хлопцу стала кепска пасьля плянавай трэніроўкі. Выклікалі «хуткую», аднак выратаваць яго не ўдалося. Па факце сьмерці праводзілася сьледзтва.
Падлеткі, якія былі на трэніроўцы, расказалі бацькам памерлага хлопца, што ў распранальні старэйшы хлопец Руслан С. моцна ўдарыў Андрэя ў грудзі (па ягоных словах, «прабіў фанэру»). Андрэй адразу страціў прытомнасьць, упаў, ротам пайшла кроў. Бацькі загінулага лічаць гэта праявай дзедаўшчыны ў спорце.
Кіраўніцтва спартовай вучэльні ў Лідзе спачатку казала бацькам падлетка, што яму стала кепска на аўтобусным прыпынку.
У сьнежні 2018 году быў звольнены кіраўнік Горадзенскай дзяржаўнай вучэльні алімпійскага рэзэрву. Паводле Генпракуратуры, у вучэльні выявілі парушэньні заканадаўства, якія ўшчамляюць правы і законныя інтарэсы навучэнцаў.
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…