Навіны

Глядзіце, як у цэнтры Гродна ратавалі Малыша (але ён потым знік)

Каля 40 хвілін доўжылася аперацыя па выратаванні ката па мянушцы Малыш. Занепакоеныя гаспадары папрасілі ратавальнікаў зняць іх гадаванца, які два дні не мог сам спусціцца з дрэва. Гэта адбывалася на вуліцы 1 Мая ў цэнтры Гродна.

Гаспадыня Малыша Ала доўга не вырашалася звярнуцца па рэальную дапамогу да ратавальнікаў: думала, што кот сам спусціцца. Але гэтага не адбылося. На другі дзень яна папрасіла, каб супрацоўнікі МНС дапамаглі ёй зняць ката. Той за два дні сваім мяўканнем паспеў звярнуць на сябе ўвагу ўсяго двара.

Кот Малыш, 3 гады
«Калі я першы раз патэлефанавала ў МНС, мне далі параду — купіць валяр’янку і абліць дрэва, — распавядае гаспадыня. — Купіла вялікую бутэльку, апырскала. Але Малыш працягваў сядзець на верхавіне. Там і вароны сталі яго ганяць, але ён сядзеў. На другі дзень усё ж такі прыехалі выратавальнікі».

Ратавальнікі спачатку прыехалі на звычайнай пажарнай машыне. Агледзеўшы дрэва, яны зразумелі, што да Малыша так проста не залезці. Выклікалі транспарт з лесьвіцай. Кот тым часам ускараскаўся на самую верхавіну дрэва, вышыня якога — амаль як чатырохпавярховы дом. З другой спробы ратавальнікі здолелі наблізіцца да Малыша, але ў мяшок ён лезці не захацеў і палічыў за лепшае саскочыць з вышыні. Праўда, на зямлі яго не знайшлі.

«Нашаму Малышу тры гады, вельмі добры, ласкавы і, галоўнае, хатні. Раз выбег на вуліцу — і вось што адбылося. Спадзяюся, з ім усё добра і ён вернецца дадому», — сказала гаспадыня Малыша.

За аперацыяй выратавання ката назірала больш за дзясятак чалавек. Мінакі цікавіліся каго ратуюць, а хтосьці з відавочцаў жартаваў, што гэта рысь збегла з заапарка. Ратавальнікі адзначылі, што гэта першы сёлета выезд па выратаванні ката. Усе такія аперацыі практычна заўсёды сканчаюцца аднолькава: жывёлы аддаюць перавагу скокнуць з вышыні, чым пайсці ў мяшок або ў рукі да выратавальніка.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025