Пракуратура высветліла, што ў Гродзенскім раёне толькі 40% садаводчых таварыстваў збірае смецце паасобна. У Ваўкавыскім раёне раздзельны збор смецця не арганізаваны наогул.
Пры гэтым Лідскі, Зэльвенскі, Ваўкавыскі, Слонімскі, Шчучынскі і Навагрудскі раёны не выканалі мэтавыя паказнікі на 2018 год па зборы другаснай сыравіны. Другасныя рэсурсы закопвалі проста на палігонах ЦБА.
hrodna.life/articles/recycling/
Не выконваюцца санітарныя патрабаванні да кантэйнерных пляцовак. Большасць кантэйнераў у Гожы і Новай Гожы, вёсках Ялоўшчына і Гынавічы аказалася непрыдатнымі да выкарыстання.
Па выніках праверкі пракуроры раёнаў вынеслі 6 прадпісанняў.
