На тэрыторыі прыватнага дома ў Гродне знайшлі закапаныя ў зямлю астанкі 46-гадовага мужчыны. У міліцыі пра гэта стала вядома 28 красавіка каля 22 гадзін вечара.
Пасля агляду месца здарэння з выкарыстаннем рухомай крыміналістычнай лабараторыі прынялі рашэнне аб узбуджэньні крымінальнай справы па факце забойства (ч.1 арт.139 Крымінальнага кодэкса Рэспублікі Беларусь), паведамляе УСК па Гродзенскай вобласці.
Паводле папярэдняй інфармацыі, загінулым з’яўляўся жыхар Гродна 1973 года нараджэння.
Для высвятлення абставінаў следчыя правялі дадатковы агляд месца здарэння 29 красавіка. Вынялі для даследавання сляды і рэчавыя доказы. Дапытваюць людзей, якія часова пражываюць у хаце і выявілі цела, уласніка жылля, суседзяў.
Эксперты тэрмінова праводзяць крыміналістычныя і судова-медыцынскія экспертызы, у выніку якіх павінны выявіць дакладную прычыну смерці мужчыны.
На тэрыторыі ўчастка перыядычна збіраюцца грамадзяне, якія вядуць асацыяльны лад жыцця і злоўжываюць алкаголем. Па падазрэнні ў здзяйсненні злачынства затрыманыя трое грамадзян, 1962, 1971 і 1978 гадоў нараджэння, з якімі праводзяць следчыя дзеянні. Расследаванне працягваецца.
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…