Жыхара Наваградку Дзмітрыя Бондара, больш вядомага ў сацыяльных сетках як «біскуп свету», асудзілі на 1,5 гады пазбаўлення волі ў калоніі агульнага рэжыму. Прысуд абвясцілі ў судзе Наваградскага раёну 16 красавіка, паведамляе s**boda.org.
У гэты тэрмін залічаць болей за паўгода, што Бондар ужо правёў у СІЗА. Пра гэта расказала сяброўка Дзмітрыя Бондара Ніна Паўлоўская.
Бондара прызналі вінаватым у «заведамым стварэнні для іншай асобы небяспекі заражэння вірусам імунадэфіцыту чалавека (ВІЧ)» (ч. 1 арт. 157 Крымінальнага кодэксу), то бок у тым, што ён не папярэджваў сваіх сексуальных партнёраў, што мае ВІЧ. Па словах маці і сяброў, Дзмітры пры палавых кантактах выкарыстоўваў сродкі абароны.
Вядома, што пяцёра чалавек былі прызнаныя пацярпелымі, але ў судзе яны заявілі, што ня маюць прэтэнзій да Бондара. Дзмітры плануе абскарджваць прысуд.
Справу разгледзелі за 4 дні ў закрытым рэжыме. Да гэтага фігурант больш за паўгода знаходзіўся ў СІЗА.
Праваабаронцы ў сферы ВІЧ/СНІД раней прасілі суд апраўдаць Бондара. На іхную думку, у дзеяннях мужчыны не было віны.
Дзмітрыя Бондара затрымалі летась 2 кастрычніка на вядомай фэнтэзі-сядзібе Літоўка пад Наваградкам, якая належала ягонаму сябру Сяргею Ковалю. Праз некалькі тыдняў пасля гэтага Коваль звольніў работнікаў і закрыў сядзібу для наведвальнікаў. Ён прызнаваў, што цяжка перажывае затрыманне сябра.
Гаспадар Літоўкі скончыў жыццё самагубствам сёлета 1 студзеня з невядомай прычыны.
Гродзенцы Зміцер і Вольга Фурманавы адкрываюць у цэнтры Вільні краму і творчую прастору "Kropka". Там…
Тры новыя тралейбусы з запасам аўтаномнага ходу да 20 км ужо паступілі ў Аўтобуснае ўпраўленне…
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…