Урад Літвы: Надпісы на магілах паўстанцаў 1863 года будуць і па-беларуску

Урад Літвы адказаў на зварот больш як 500 дзеячоў грамадства і культуры Беларусі з нагоды моваў надпісаў на магілах перапахаваных паўстанцаў. Адказ прыйшоў галоўнаму рэдактару часопіса «Наша гісторыя» Андрэю Дынько, які каардынаваў збор подпісаў пад зваротам беларускай грамадскасці, піша nn.by.

«Імёны кіраўнікоў і ўдзельнікаў паўстання [на іх магілах пасля перапахавання], як мяркуецца, будуць запісаны на літоўскай, польскай і беларускай мовах», — гаворыцца ў лісце першага намесніка канцлера ўрада Літвы Дэйвідаса Матулёніса.

Таксама намеснік канцлера паведаміў, што кіраўнікоў і ўдзельнікаў паўстання перапахаваюць у цэнтральнай капліцы могілак Росы ў Вільні. Урачыстую цырымонію плануецца арганізаваць у 2019 годзе.


Літва хоча запрасіць Лукашэнку на пахаванне Каліноўскага

Цяпер віленскія архітэктары распрацоўваюць канцэпцыі дызайну капліцы. На гары Гедыміна знайшлі парэшткі 20-ці з 21-го пакараных паўстанцаў. Парэшткі Кастуся Каліноўскага ідэнтыфікаваныя з пэўнасцю на 95%.

Паўстанне 1863—64 гадоў мела нацыянальна-вызвольны і сацыяльны характар. Кіраўнік паўстання ў Беларусі, Канстанцін Каліноўскі ўпершыню ў найноўшай гісторыі стаў выкарыстоўваць беларускую мову ў сваёй рэвалюцыйнай агітацыі. Калі ўдзельнікі ранейшых паўстанняў змагаліся за аднаўленне Рэчы Паспалітай у старым яе разуменні, Каліноўскі падышоў да фармулявання беларускіх нацыянальных інтарэсаў і задач. Паролем паўстанцам былі словы: «Каго любіш?» — «Люблю Беларусь!» — «То ўзаемна!»


Як расейцы пахавалі Кастуся Каліноўскага: рукі звязаныя за спінай, цела засыпанае вапнай. ФОТА

Каментары

Spelling error report

The following text will be sent to our editors: