Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай

15 красавіка на тэрыторыю «крывога дома» дапамагаць археолагу прыйшлі мясцовыя гісторыкі. Важна як найлепш вывучыць тэрыторыю, пакуль там не пачала ва ўсю працаваць будаўнічая тэхніка. 

Тэрміны земляных работ абмежаваныя, таму археолаг Алесь Гаршкоў з Акадэміі Навук паведаміў у Facebook, што мае патрэбу ў валанцёрах. Дапамагчы яму прыйшлі мясцовыя гісторыкі Андрэй Чарнякевіч і Ян Лялевіч.

«Пакуль прызначаны на гэты аб’ект археолаг у ад’ездзе, у Гродна з Акадэміі Навук паслалі мяне, – распавядае Алесь Гаршкоў. – У маю задачу ўваходзіць зачыстка профіляў і фіксацыя. І, па магчымасці, вывучэнне некранутага культурнага пласта згодна з інструкцыяй аб археалагічных даследаваннях. Часу мала, таму я паведаміў пра збор валанцёраў. Некалькі чалавек адгукнулася і за гэта ім дзякуй».

Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 
Археолаг Алесь Гаршкоў

У найкарацейшыя тэрміны археолаг разам з валанцёрамі хоча вывучыць культурны пласт каля «крывога дома», пакуль там зноў не з’явілася тэхніка.

«Гэта добра, што гродзенцы прыходзяць і дапамагаюць капаць. Яны не толькі словамі, але і справай адстойваюць гісторыю свайго горада. Заказчык пайшоў нам насустрач і на другі дзень даў магчымасць папрацаваць без будаўнічай тэхнікі. Спадзяюся, за гэты час мы зможам максімальна зрабіць усе свае справы», – дадаў археолаг.

Знаходкі на тэрыторыі «крывога дома» ўжо ёсць – галоўнае некрануты культурны пласт, кераміка,  манеты розных эпох, чарніліца, кафля, кубак і многае іншае. На другі дзень на аб’екце чакаецца больш валанцёраў.

Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 
Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 
Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 
Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 
Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 
Не толькі словамі, але і справай: гродзенскія гісторыкі з рыдлёўкамі прыйшлі дапамагаць археолагу на Вялікай Траецкай 

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары