velcom | A1 пакажа сваю 5G-сетку на «ТІБО-2019» у Мінску

Правайдар тэлекамунікацыйных, ІКТ- і кантэнт-паслуг velcom | A1 сумесна з кампаніяй ZTE правядзe дэманстрацыю магчымасцяў сваёй 5G-сеткі на выставе «ТІБО-2019». У перспектыве дадзенае рашэнне можа быць маштабавана на ўсю тэрыторыю Беларусі.

Тэхналогія 5G дазволіць развіваць хуткасць загрузкі на ўзроўні 20 Гбіт/с у сетцы мабільнай сувязі і мінімізаваць затрымкі, якія ўзнікаюць у працэсе перадачы дадзеных, да 4 мілісекунд. Такім чынам, мабільная сетка пятага пакалення можа быць выкарыстана для Ultra HD-відэазванкоў, хуткай бесправадной перадачы струменевага відэа звышвысокай выразнасці, VR-
трансляцый, а таксама розных рашэнняў, звязаных з інтэрнэтам рэчаў.

Беларусь можа пачаць тэставаць 5G адной з першых

«У цяперашні час тэхналогія 5G актыўна тэстуецца па ўсім свеце, у тым ліку ў A1 Telekom Austria Group. Беларусь мае шанцы ўвайсці ў лік краін, якія аднымі з першых пачнуць паўнавартасную камерцыйную эксплуатацыю новага пакалення перадачы дадзеных. З яе дапамогай тэхналогіі - такія, як беспілотныя аўтамабілі, інтэрнэт рэчаў або віртуальная рэальнасць — ужо зусім хутка змогуць увайсці ў нашае паўсядзённае жыццё. Кампанія velcom | A1 мае намер заняць лідзіруючыя пазіцыі ў канкурэнтным асяроддзі ў Беларусі. Дэманстрацыя патэнцыялу сетак 5-га пакалення для гасцей „ТІБО-2019“ — яшчэ адзін крок на гэтым шляху», — адзначыў намеснік генеральнага дырэктара кампаніі velcom | A1 па тэхнічных пытаннях Крысціян Лаке.

Пакажуць віртуальную рэальнасць

Наведвальнікам стэнда velcom | A1 на выставе «ТІБО-2019» будуць прадэманстраваны магчымасці 5G-сеткі на прыкладзе трансляцыі відэа: яны змогуць сачыць за падзеямі форуму ў рэжыме прамой трансляцыі з панарамны камеры на вялікім экране ў якасці UltraHD або з дапамогай падлучаных да камеры VR-ачкоў. Перадача дадзеных будзе ажыццяўляцца праз 5G NR — базавую станцыю пятага пакалення, размешчаную пад дахам шматфункцыянальнага комплексу «Мінск-Арэна».

«Кампанія ZTE з’яўляецца адным з сусветных лідараў у распрацоўках тэхналогій для сетак пятага пакалення. На выставе ў гэтым годзе дэманструецца магчымасць трансляцыі VR кантэнту праз 5G сетку. Дзякуючы высокай хуткасці перадачы дадзеных і мінімальнай затрымцы гэта прымяненне 5G будзе запатрабавана ў медыцыне, адукацыі, індустрыі забаў (напрыклад, для трансляцыі спартыўных спаборніцтваў або канцэртаў у фармаце VR). Мы перакананыя, што 5G адыграе вельмі важную ролю ў развіцці эканомікі Беларусі, і ZTE прыкладзе максімум намаганняў, каб аказаць садзейнічанне нашаму даўняму партнёру ў тэлекамунікацыйнай галіне — кампаніі velcom у прадастаўленні такіх паслуг», — паведаміў намеснік дырэктара беларускага офіса ZTE Сямён Дзірко.


Абонентам velcom предлагают выбрать персональный бонус к 20-летию компании


Раней прадстаўнікі кампаніі velcom | A1 ўжо заяўлялі пра гатоўнасць інвеставаць сродкі ў развіццё сеткі 5G на ўсёй тэрыторыі Беларусі, уключаючы сельскую мясцовасць.

[the_ad id="112 956"]

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025