JAZZ STORIES вяртаюцца ў Гродна. Сярод першых гасцей сезона – Павал Аракелян ды іншыя джазавыя легенды Мінска

19 мая ў Музеі гісторыі рэлігіі стартуе новы сезон штомесячнай нядзельнай музычнай гасцёўні “Jazz stories” з Аляксандрам Краўчуком. Сёлета праект стане міжнародным і больш інтэрактыўным. Слухачоў чакае шмат аўтарскай музыкі і музычных хітоў XX стагоддзя ў выкананні вядучых джазмэнаў Беларусі і Літвы, а таксама кава, асвяжальныя напоі і слодычы.

Сезон новых джазавых гісторый пачнецца 19 мая, на Замкавай, 16, ва ўнутраным дворыку Музея гісторыі рэлігіі. Пачатак у 18.00.  Гродзенцы сустрэнуцца з чацвёркай джазавых музыкаў Мінска – Паўлам Аракелянам, Дмітрыем Хаменкам, Людмілай Крукоўскай і Аляксандрам Сапегам. Кожны ўдзельнік валодае ўласнай манерай гучання, непараўнальным стылем выканання і  з’яўляецца заснавальнікам джазавай школы Беларусі.

Наступныя сустрэчы ў музычнай гасцёўні JAZZ STORIES  будуць  ісці цягам лета і восені.

16 чэрвеня – Vilnius Jazz 

Сумесны міжнародны джазавы праект беларускіх і літоўскіх музыкаў.
Гродзенская публіка стане сведкам зліцця двух магутных музычных культур. Літоўская джазавая школа мае моцныя карані і традыцыі яшчэ з часоў СССР. Беларускі джаз – значна маладзейшы, але ўпэўнена крочыць побач з карыфеем.
У складзе:
Гінтарас Шулінскас (гітара), Владыславас Клімовіч (кантрабас), Аляксандр Краўчук (саксафон), Ігар Гіро – клавішныя, Дзмітрый Драгун (барабаны)

21 ліпеня – La Mamounia jazz trio і Раман Шыманец

Высокапрафесійны калектыў маладых  музыкаў Мінска.
Кожны з удзельнікаў мае велічэзны досвед працы ў беларускай музычнай індустрыі. У рэпертуары La Mamounia jazz trio ўся яркая палітра стыляў джазавай музыкі, а уладны саксафон Рамана Шыманцы раскажа сваю гісторыю.

18 жніўня – GreenStream 

Заснавальнікам і лідэрам з’яўляецца джазавы гуру, прафесар Беларускага дзяржаўнага універсітэта культуры і мастацтваў кантрабасіст і бас гітарыст Уладзімір Бялоў, сумесна з беларускім зоркай джазавага вакалу Яўгеніяй Лятун. Праект ”GreenStream” існуе больш за 20 гадоў, уключае ў сябе рознахарактарных музыкаў джазавай сцэны.

15 верасня – OpTeamist Project, закрыццё сезона

Музычны фьюжн праект беларускага гітарыста Паўла Трыпуця, які грае ўласную музыку ў стылі fusion, funky, rock, instrumental. Неаднаразовыя пераможцы конкурсу Рок Заяўка, зборнік “ПАЛЯВАННЕ! -77”, Yamaha E-BAND COMPETITION 2017.
У складзе групы прафесійныя музыкі, аб’яднаныя агульным цікавасцю да творчасці і эксперыментаў.

 

Інфа лінія, замова квіткоў: 8 (0152) 740272; +375297771592 МТС; +375293033844 Velcom

Кошт квітка 10 руб, тэл касы 8 (0152) 744889

Каментары

Spelling error report

The following text will be sent to our editors: