«Зялёная сетка» абвяшчае фотаконкурс да акцыі «Гадзіна Зямлі». Будуць прызы

Напярэдадні 30 сакавіка — у дзень, калі планета пагрузіцца на гадзіну ў цемру падчас акцыі «Гадзіна Зямлі» — таварыства «Зялёная сетка» запрашае прыняць удзел у фотаконкурсе.

Гадзіна Зямлі адна з самых маштабных экалагічныя акцый, закліканая нагадаць зямлянам пра глабальныя праблемы чалавецтва: змяненне клімата, вычарпальнасць прыродных рэсурсаў і забруджванне наваколля. У 2019 годзе Беларусь далучыцца да яе ў 11-ы раз.

Калі вы хочаце не проста стаць удзельнікам сусветнага івэнта, а быць яго актыўным суарганізатарам, прымайце ўдзел у фотаконкурсе таварыства «Зялёная сетка» да Гадзіны Зямлі. Фіксуйце гістарычны момант пагружэння нашай краіны ў цемру!

Удзельнічаць можна ў адной з прапанаваных намінацый:

• Загадзя знайдзіце ў сваім горадзе аб’ект (гістарычны будынак ці гандлёвы
  цэнтр — значэння не мае) ці стварыце такі аб’ект самі, звярнуўшыся ў адказныя
  дзяржорганы, які будзе адключацца 30 сакавіка з 20.30 да 21.30. Зафіксуйце
  гэты факт у зручным для вас фармаце: відэа ці фота (відэа — момант
  адключэння; фота — да і пасля адключэння).
• Прыміце больш камерны ўдзел у Гадзіне Зямлі і раскажыце пра гэта нам. 30
  сакавіка прыдумайце для сябе чым цікавым, забаўным і карысным можна
  заняцца ў «цёмную» гадзіну, з 20.30 да 21.30. І зрабіце пра гэта невялікі
  фотарэпартаж з аповелам.

Размясціце вашыя здымкі / відэа ці фотагісторыі з вечара ва ўласных сацыяльных сетках 30 сакавіка, адзначыўшы ў Facebook (@Зелёный портал), ВКонтакте (@Зелёный портал), Instagram (@grennbelarus) і абавязкова праставіўшы хэштэгі #гадзіназямлі2019, #часземли2019, #earthhourbelarus2019.

У панядзелак, 1 красавіка, пры дапамозе рандомнага лічыльніка мы вызначым пераможцаў у кожнай намінацыі. Увага! Прымаць удзел можна толькі ў адной з намінацый.

Прызы:

• За ўдзел у першай намінацыі - брэндзіраваная экасумка, флэшка і блакнот ад таварыства Зялёная сетка і прыемнасць ад першай беларускай zerowaste крамы Zerro.by — шматразовы кубачак Ecoffee cup на 400 мл.
• За ўдзел у другой намінацыі - брэндзіраваная экаторба і флэшка ад таварыства Зялёная сетка і прыемнасць ад першай беларускай zerowaste крамы Zerro.by — набор шматразовых мяшэчкаў з тканіны.