Адзін гродзенец, якія лічыўся памерлым з кастрычніка 2013 года, да восені 2017 года з’яўляўся работнікам аднаго з унітарных прадпрыемстваў. А яшчэ адзін на працягу шасці з паловай гадоў лічыўся работнікам дадзенай фірмы, але на самой справе ніколі там не працаваў, паведамляе УУС Гродзенскага аблвыканкама.
— Устаноўлена, што дырэктарам УП з’яўляўся мясцовы жыхар, 1959 года нараджэння. З мэтай здзяйснення крадзяжу грашовых сродкаў, ён аформіў двух мясцовых жыхароў на пасаду «швачкі-надомніцы», пасля чаго даў указанне бухгалтару аб налічэнні дадзеных работнікам зарабатнай платы, — распавёў начальнік АБЭЗ Кастрычніцкага РАУС Мікалай Галякевіч.
Грошы, якія выплачваліся за «працу» ў адным з выпадкаў шэсць з паловай, у іншым — амаль 8 гадоў, дырэктар забіраў сабе. Агульная сума, на якую нанесены ўрон унітарнаму прадпрыемству, звыш 120 мільёнаў недамінаваных рублёў, што склала амаль 530 базавых велічынь. Максімальнае пакаранне за дадзенае злачынства ў адпаведнасці з ч.3 арт.210 Крымінальнага кодэкса Рэспублікі Беларусь «Крадзеж шляхам злоўжывання службовымі паўнамоцтвамі» прадугледжвае да 10 гадоў пазбаўлення волі з канфіскацыяй маёмасці.
Вінаваты не панясе пакаранне, таму што паўтара гады таму дырэктар прадпрыемства, які падлягае прыцягненню да адказнасці ў якасці падазраванага, памёр. Следчым камітэтам было вынесена пастанова аб адмове ва ўзбуджэнні крымінальнай справы.
