Дабрачынная арганізацыя «Карытас» хоча адкрыць пансіянат для састарэлых на вуліцы Васілька — у пустым доме Варашыльскіх. Яшчэ ў 2018 годзе арганізацыя пачала перамовы з адміністрацыяй горада і інвестарамі.
Праект «Карытаса» накіраваны на павышэнне ўзроўню сацыяльных паслуг у Гродзенскім рэгіёне. Падобных рэалізаваных ініцыятыў у Беларусі яшчэ не было.
«Пакуль у нас ёсць ідэя і гарадскія ўлады нас у гэтым вельмі падтрымліваюць, — расказвае намеснік дырэктара „Карытас“ Алена Міхайлік. — Зараз вядуцца перамовы з інвестарамі з Германіі і Аўстрыі. Наша задумка — стварыць у Гродне праект з падвышаным узроўнем камфорту для людзей у патрэбе. Гэта будзе пансіянат для пажылых людзей — дом састарэлых. Сёння ён вельмі патрэбны».
Сацыяльны цэнтр з аддзяленнем хоспіса будзе аказваць розную дапамогу пажылым гродзенцам. У «Карытас» ужо ёсць вялікі вопыт у гэтай сферы на тэрыторыі Гродзеншчыны. Гарадскія ўлады падтрымліваюць ідэю дабрачыннай арганізацыі і гатовыя дапамагаць у рэалізацыі.
«Ініцыятывы такіх арганізацый павінны падтрымлівацца на мясцовым узроўні. Мы ўсё за бюджэтныя грошы зрабіць не зможам, трэба шукаць інвестараў, ініцыятараў, людзей неабыякавых», — пра гэта распавёў старшыня Гродзенскага аблвыканкама Уладзімір Краўцоў падчас сустрэчы з прадстаўнікамі «Карытас».
Пасля таго, як з вуліцы Васілька з’ехаў скурвендыспарнсер, у гарадскіх уладаў былі планы выставіць будынак на аўкцыён. «Карытас» просіць перадаць будынак бясплатна. Апошняе слова застаецца за прэзідэнтам.
Домам № 10 па вуліцы Васілька валодаў гродзенскі доктар Рыгор Варашыльскі. Вядомы калекцыянер паштовак і фатаграфій з відамі Гродна Фелікс Варашыльскі - яго ўнук. Дом № 8 сёння аб’яднаны ў адзін будынак з домам № 10. У розны час тут знаходзіўся радзільны дом, дзіцячая бальніца, розныя аддзяленні абласной бальніцы, скурна-венералагічны дыспансер. У студзені 2018 года дыспансер пераехаў у будынак былой чыгуначнай бальніцы па вуліцы Будзёнага. Будынак на Васілька застаўся пуставаць.
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…