У Гродне мужчына позна ўвечары прабраўся ў праваслаўны храм і скраў скрыню для ахвяраванняў.
Усё адбылося 3 лютага каля 22:00. Раней несудзімы саракапяцігадовы гродзенец пабіў шкло ў праваслаўным храме на вуліцы Ліможа.
Ён перыядычна туды заходзіў і ведаў, што ў будынку ёсць скрыня для ахвяраванняў. Пракраўшыся ўсярэдзіну, ён забраў не менш як 396 рублёў і знік. Крадзеж выявілі толькі на наступную раніцу. Нягледзячы на гэта, падазраванага хутка знайшлі.
У дачыненні грамадзяніна ўзбуджана крымінальная справа на артыкуле «Крадзеж». Сама скрыня для ахвяраванняў таксама знайшлася, а вось вялікую частку грошай мужчына паспеў патраціць, пакінуўшы ўсяго 25 рублёў, паведамляе прэс-служба УУС.
