У Беларусі выдадуць першую кнігу пра рок-музыку Чэслава Немана

У выданні больш за 150 фатаграфій і асноўныя звесткі з біяграфіі артыста. Выхад кнігі прымеркаваны да ўгодак Чэслава Немана.

Да 80-годдзя рок-музыкі запусцілі экспрэс-краўдфандынг на кнігу-альбом «Чэслаў Неман». Выданне адкрые серыю Genius Loci («Геній Месца»). Такая хуткасць тлумачыцца тым, што кнігу прэзентуюць у Мінску 15 лютага. А назаўтра, у дзень 80-годдзя з дня нараджэння польскага музыкі беларускага паходжання, частку накладу бязвыплатна перададуць у вясковы клуб-музей Немана. Ён знаходзіцца ў яго роднай вёсцы Старыя Васілішкі ў Шчучынскім раёне — гэта родны дом артыста. У ім і ў райцэнтры пройдуць урачыстасці ў гонар Немана, паведамляе kp.by.

Кніга пра Немана рыхтуецца да 80-годдзя з яго дня нараджэння. Фота: ulej.by

З патрэбнага дафінансавання ў 333 рублі ўжо сабрана 84%. Ідэя і тэксты альбома кінасцэнарысткі і журналісткі Веры Савінай (паводле яе сцэнара быў зняты дакументальны фільм «Гэты дзіўны свет» пра Немана), а афармленне і значная частка фатаграфій — Віталя Раковіча. Таксама ў выданні дзясяткі здымкаў са збору музея ключавога польскага рок-музыкі ХХ стагоддзя і з прыватных збораў.

У кнізе некалькі раздзелаў пра Немана і яго творчасць. Фота: ulej.by

Пагартаць кнігу ўжывую можна будзе 7 лютага на польскім стэндзе Мінскай міжнароднай кніжнай выставы-кірмашу, а анлайн макет даступны і сёння на старонцы краўд-кампаніі. Пасля выхаду кнігі на рускай мове будуць версіі па-беларуску, па-польску і па-англійску.

Новая серыя раскажа пра знакамітых выхадцаў Беларусі. Фота: ulej.by