нерухомасць у Гродне

Святочная служба ў гонар Стрэчання прайшла ў Гродзенскім Кафедральным саборы Святога Францыска Ксаверыя. В народзе гэтае свята таксама называюць Грамніцамі.

У свята Стрэчання Госпадавага ўва ўсіх храмах Беларусі праводзяцца святочныя набажэнствы і асвячаюцца свечкі. Вернікі захоўваюць іх напрацягу ўсяго года і запальваюць, калі звяртаюцца з малітвай у цяжкія ці важныя для сябе хвіліны, нагадвае БелТА.

Свечкі са Стрэчання называюць яшчэ і грамнічнымі, іх запальваюць падчас навальніцы, што суправаджаецца моцным ветрам, маланкамі і грымотамі. Дзякуючы гэтаму свята Стрэчання атрымала сваю другую назву — Грамніцы. Паводле іншай версіі, назва паходзіць ад таго, што у старажытныя часы у гэты дзень нашы продкі ўшаноўвалі бога грому, Грамоўніка. На Грамніцы часам можна было пачуць першы гром. В народзе кажуць, што на Стрэчанні зіма сустракаецца з летам.

Разам з каталікамі Грамніцы сёння святкавалі і ўніяты. Настаяцель парафіі Маці Божай Фацімскай а. Андрэй Крот расказаў, што цяпер галоўным чынам свечкі купляюць на месцы, хоць абмежаванняў, з чаго рабіць ці дзе купляць грамнічныя свечкі, няма.

Раней жа, паводле традыцыі, грамнічную свечку сукалі з кавалачкаў воску, вялікую, каб хапіла на год, рабілі ўсёй сям’ёй. Пасля асвячэння ў царкве яе прыносілі дахаты, гаспадар дома запальваў і абносіў усе памяшканні, крыж-накрыж кранаўся полымем валасоў дамачадцаў, каб забяспечыць здароўе і абарону ад ліха.

«Традыцыйная хрысціянская царква да матэрыяльных сімвалаў ставіцца станоўча. Сэнс ў тым, што мы асвячаем тое, чым карыстаемся, каб гэтыя рэчы былі дабраславёныя Богам».

Таксама паводле даўняй традыцыі на Грамніцы, саракавы дзень пасля Каляд, прыбіраюць святочную ялінку, калі не паспелі гэта зрабіць раней. У праваслаўных застаецца яшчэ два тыдні, каб пацешыцца навагоднім упрыгожанням.