Хакеісты гродзенскага «Нёмана» ў чацвер 17 студзеня ў Мінску без праблем разабраліся са зборнай «U-20» — 7:1. Лепшымі ў складзе гродзенцаў сталі Кіслы і Савінаў, якія закінулі па дзве шайбы суперніку.
«U-20» — «Нёман» 1:7 (1:2, 0:3, 0:2)
галы:
07:03 0:1 — Рэмезаў (Кіслы)
10:33 1:1 — Салаўёў (Чубукоў, Карэлаў)
13:56 1:2 — Варывончык (Смураў)
24:17 1:3 — Кіслы (Елісеенка, — бол.)
32:18 1:4 — Елісеенка (Дзярлюк, Варывончык)
34:54 1:5 — Кіслы (Ляўша, Пятроў)
52:00 1:6 — Савінаў (Амброжейчик, Бадун)
55:17 1:7 — Савінаў (Пятроў, Амбражэйчык)
Галоўны трэнер «Нёмана» Сяргей Пушкоў пасля матчу:
— Спадабалася стаўленне нашых хлопцаў да матчу. Усё, пра што іх прасілі ў апошні час, было выканана. Вядома, няма мяжы дасканаласці - без памылак і брака дзесьці ўсё роўна не абышлося. Але ўвогуле каманда згуляла дысцыплінавана — гэта радуе. Не стаў бы нават вылучаць нейкае канкрэтнае звяно — усё імкнуліся выконваць ўстаноўку.
У турнірнай табліцы без зменаў. «Нёман» працягвае ісці на другім радку і мае 85 ачкоў. На першым жа ідзе «Юнацтва» са 100 баламі ў актыве, на трэцім «Шахцёр» — 81.
Свой наступны матч «Нёман» правядзе ў Гродне 22 студзеня і будзе прымаць «Ліду».