На мытні затрымалі кнігі Бенуа і Вермана пачатку мінулага стагоддзя

Спробу незаконна вывезці кнігі па мастацтве і жывапісе, якія уяўляюць культурную каштоўнасць, спыніла гарадзенская мытня. Кнігі былі ў багажніку аўтамабіля, на якім грамадзянін Казахстана ехаў праз пункт пропуску “Каменны Лог” у Літву.

Кіроўца  выбраў для праходжання мытнага кантролю «зялёны» калідор і пацвердзіў, што не мае тавараў, што падлягаюць да абавязковага дэкларавання. Аднак пры аглядзе ў кардонавай каробцы, ў багажніку, мытнікі выявілі сем кніг па мастацтве і жывапісу пачатку XX стагоддзя, паведамляе гродзенская мытня.

На мытні затрымалі кнігі Бенуа і Вермана пачатку мінулага стагоддзя

Аўтар трохтамовіка «Гісторыя мастацтва ўсіх часоў і народаў» – нямецкі мастацтвазнаўца Карл Верман, чатыры тамы «Гісторыі жывапісу ўсіх часоў і народаў» належаць пяру рускага мастака і гісторыка Аляксандра Бенуа.

Паводле высновы эксперта Мытнай лабараторыі працы на мастацтве і жывапісе выдадзены ў Санкт-Пецярбургу ў 1903, 1913-1916 гг. і  з’яўляюцца культурнай каштоўнасцю. Агульны кошт рарытэтаў складае парадку сямі тыс. долараў ЗША.

Незаконна перамешчаныя культурныя каштоўнасці канфіскавалі, па факце недэкларавання тавару распачалі адміністрацыйны працэс.

Чытайце яшчэ:  Па дазвол у Мінск: вывезці твор мастацтва з бязвізавага Гродна стала складаней

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Раім пачытаць

Каментары

Spelling error report

The following text will be sent to our editors: