На святкаванне Калядаў ў дзіцячы садок № 45, 9 студзеня прыйшлі калядоўшчыкі. Побач са звыклымі казой і мішкам была і яшчэ адна загадкавая істота — баба Яга. Такі вобраз прымерыў на сябе пісьменнік з Навагрудка Міхась Зізюк, каторы разам з сябрамі Таварыства беларускай мовы далучыўся да сустрэчы.
Па словах Міхася, ролю бабы Ягі ён прымярае не першы раз. «Калі напісаў першую дзіцячую кніжку ў 2013 годзе, таксама прэзентаваў яе ў выглядзе бабы-Ягі. Дзецям не цікава, калі проста стаіць нехта і манатонным голасам тылдычыць. Канечне, я пераўтварыўся ў адзін з вобразаў сваёй кніжкі. Пераўвасобіцца мне няма вялікіх праблем. З дзяцінства я такім быў - жэўжыкам і непаседам. А па-другое, я вельмі люблю дзяцей. Шчыра прызнаюся, каб у садку была добрая зарплата, я б там працаваў».
Кніжка, пра якую ўзгадаў пісьменнік, называецца «Янка, Шмурдзік, Бухматка ды іншыя». У 2015 годзе яна патрапіла ў дзясятак лепшых дзіцячых кніг. Для дзяцей з садка ён таксама падарыў асобнік.
«Кніжка менавіта для такіх дзяцей. Яна пра тое, як трэба любіць і шанаваць нашу прыроду і нашу зямлю, як трэба сябраваць. Хацеў бы, каб дзеці да гэтага далучыліся»
Па словах пісьменніка, ён заўсёды рады сустрэчы з тымі, што шануе беларушчыну. «Калі не мы то хто? Хто будзе далучаць нашых дзцей да роднай мовы? Калі яны будуць чуць жывое слова, штосці ў іх застанецца. А калі будзем, як сёння, прапагандаваць традыцыі народныя, гэта проста цудоўна»
Міхась Зізюк пачаў пісаць у сорак гадоў. Кажа, да гэтага часу быў «спячым» беларусам. «Але цяпер я прачнуўся, я беларус. Пішу па-беларуску, каб сваімі творамі таксама далучыць людзей да мовы.»
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…