У Гродне 23 снежня пройдзе 10-ы навагодні лёгкаатлетычны міні-марафон. Аматары бегу па традыцыі зачыняюць сезон перад Новым годам. Удзельнікам можа стаць кожны ахвочы.
«Бегуны паві нны пераадолець дыстанцыю ў 4,2 км. Пракладзены маршрут будзе па тэрыторыі цэнтральнага спартовага комплексу «Нёман», — кажуць ва ўпраўленні спорту і турызму.
Як і ў ранейшыя гады, для ўдзельнікаў падрыхтавана мноства прызоў. Лепшыя будуць вызначацца ў васьмі ўзроставых катэгорыях сярод мужчынаў і ў пяці - сярод жанчын. Усіх, хто фінішуе, па традыцыі ўзнагародзяць унікальнымі медалямі, паведамляе БелТА.
Раней на спаборніцтвах абіралі і самых хуткіх Дзеда Мароза са Снягуркай. Для іх ладзіўся асобны забег на кароткую дыстанцыю. Зараз у навагодніх персанажаў ёсць магчымасць падужацца і за галоўны прыз.
Усіх удзельнікаў міні-марафону заклікаюць прыбрацца ў арыгінальныя святочныя касцюмы. Самых яркіх і запамінальных заахвоцяць адмысловымі ўзнагародамі.
Змаганне на дыстанцыі чакаецца сур’ёзнае. Навагодні міні-марафон — апошні этап Гродзенскай бегавой лігі, якая стартавала напачатку года. Яна з’яднала сем найболей рэйтынгавых стартаў сезона. Па выніках кожнага ўдзельнікам у залежнасці ад паспяховасці выступу налічаліся балы. Пераможца агульнага заліку атрымае важкі грашовы прыз.
Рэгістрацыя на навагодні прабег ужо пачалася. Колькасць месцаў абмежаваная — на дыстанцыю змогуць выйсці 300 бегуноў.
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…