У брэсцкім аэрапорце затрымаліся больш за сотню гродзенскіх турыстаў, якія ляцелі чартарным рэйсам з Хургады ў Гродна. Кампанія-перавознік не змагла ў час даставіць их дахаты з прычыны моцныага туману.
Пасажыры незадаволены дзеяннямі перавозніка, які не паклапаціўся пра тое, каб хутчэй даставіць людзей у Горадню, расказвае Sputnik.
«Цяпер мы ўжо больш за тры гадзіны знаходзімся ў брэсцкім аэрапорце, дахаты мы вернемся не раней за поўнач. А павінны былі быць у Гродне ўжо, а другой-трэцяй гадзіне дня», — расказалі незадаволеныя пасажыры, якія аднымі з першых скарысталіся чартарнымі рэйсамі Хургада-Егіпет. Чартарны самалёт не змог прызямліцца ў Гродне праз моцны туман, таму яго прыняў брэсцкі аэрапорт.
Людзі прызнаюцца, што новай прапановай паляцець у Хургаду наўпрост з Гродна скарысталіся дзеля камфорту, каб не ездзіць у іншыя гарады і сэканоміць час і нервы. Атрымалася наадварот.
«Спачатку мы паўгадзіны сядзелі ў самалёце, потым выйшлі ў залу чакання. Ніхто да нас не выйшаў, каб вытлумачыць, што нам рабіць — ні з „Белавія“, ні з турфірмы, ні ад тураператара JoinUp. Мы селі ў 12:40. І тое зараз, калі ўсе паелі ў буфеце за свае грошы, прадстаўнік аэрапорта паведамляе, што сілкаванне нам арганізуе праз 4 гадзіны», — кажа Вольга. Кабета, як і многія турысты, незадаволена якасцю паслуг і тым, як развязваюць праблемы пасажыраў.
Паводле слоў суразмоўніцы, у самалёце было шмат пасажыраў з дзецьмі, бо шмат хто паляцеў у Егіпет на час восеньскіх вакацый, ёсць жанчына-інвалід. Праз дзве гадзіны незразумелага чакання шмат у каго пачалася паніка, бо не было слушных тлумачэнняў, як перавознік будзе вырашаць пытанне дастаўкі турыстаў у Гродна.
Частка людзей не сталі чакаць і з’ехалі ў Гродна на таксі ці маршрутках. Таксісты аэрапорта згаджаюцца адвезці ў Гродна за 200−300 рублёў. Плаціць такія грошы гатовы не ўсё.
Тым, хто застаўся, паабяцалі, што ў Гродна іх адвязуць аўтобусамі, на якіх павінна прыехаць новая партыя турыстаў, што скіроўваюцца ў Хургаду. Аўтобус каля 15 гадзін дня выехаў з Гродна ў Брэст, на дарогу пойдзе не менш як чатыры гадзіны. Па падліках гарадзенскіх турыстаў, выехаць дадому яны змогуць толькі праз сем-восем гадзін пасля прызямлення, яшчэ прыкладна пяць гадзін запатрабуецца, каб прыехаць у Гродна.
Пасажыры ўпэўнены, што пытанне з транспартам перавознік мог вырашыць нашмат хутчэй. Яны бачылі, што яшчэ да вылету іх самалёта з Хургады ў інтэрнэце пачалі з’яўляцца паведамленні пра тое, што рэйсы адкладаюцца праз туман.
Непаўналетняга жыхара Ваўкавыска асудзілі на год "хатняй хіміі" за здзек з дзяржаўнага сцяга, піша мясцовая…
Асноўныя мерапрыемствы пройдуць у цэнтры горада 1 сакавіка. Запланавана масленічнае шэсце, спаленне пудзіла зімы і…
Гродзенка паказала ў TikTok наступствы капітальнага рамонту інтэрната па вуліцы Гогаля, 9. Пасля работ на…
Жылы комплекс «Аляксандраўскі» узводзяць на месцы былых ваенных казармаў. Забудова будзе складацца з двух невысокіх…
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…