Проста так купіць дом купца Мураўёва ў цэнтры Гродна складана — ім валодае прыватны страхавы фонд, які некалькі гадоў таму страціў ліцэнзію і спыніў дзейнасць. Але з’явіўся новы патэнцыйны інвестар. Пра гэта стала вядома падчас грамадскага абмеркавання экалагічнага дакладу па новым генплане Гродна. Сустрэча праходзіла ў чацвер 1 лістапада.
Пра магчымага інвестара распавёў старшыня Гродзенскага гарвыканкама Мечыслаў Гой. Ён адзначыў, што да яго ў кастрычніку звярнуўся інвестар, які хоча размясціць у даўно пустуючым доме гасцініцу.
«Літаральна два тыдні таму быў у мяне адзін паважаны чалавек, які распавёў, што хоча з Дома купца Мураўёва зрабіць гасцініцу, —
распавядае Мечыслаў Гой. — Задача ўлады — звесці сённяшняга ўладальніка будынка і новага інвестара, каб яны здолелі дамовіцца. Калі гэтага не здарыцца, будзем скасоўваць дамову з арганізацыяй і канфіскоўваць аб’ект. Гэтае пытанне ўздымалі на пасяджэнні ў губернатара. Так, гэта можа не зусім добра для ўлады, але са старым будынкам так рабіць нельга».
[irp posts="75 478″ name="Дом купца Мураўёва: рамонт даўжынёю ў 20 гадоў"]
Меркаваным інвестарам для старога будынка можа быць бізнесмэн Станіслаў Сямашка. Ён ужо праяўляў цікавасць да дома купца Мураўёва і раней, але не мог яго купіць, бо займаўся рэканструкцыяй суседняга будынка. Ужо ў лістападзе 2018 Сямашка плануе здаць свой аб’ект на Калючынскай, 23. Там, акрамя гасцініцы на 50 месцаў, размесцяцца рэстаран каўказскай кухні і вядомая турыстычная кампанія.
Дом купца Мурьвьева прастойвае ў цэнтры Гродна ўжо каля 25 гадоў. У сярэдзіне 1990-х будынак прадалі фірме «Пульс», але замест рэканструкцыі будынак проста разрабавалі. Ніхто з чыноўнікаў і бізнесменаў не быў пакараны, хоць крымінальная справа распачыналася.
У 2005 годзе будынак купіў «Беларускі народны пенсійны фонд» з мэтай адкрыць там гасцініцу. Пазней гэтая арганізацыя была перайменаваная ў «Мега поліс». У 2014 годзе арганізацыю пазбавілі ліцэнзіі на страхавую дзейнасць. Усе дамовы «Мега поліса» перайшлі да дзяржаўнага прадпрыемства «Стравіта».
За мінулыя ад куплі будынка 13 гадоў інвестар адрамантаваў толькі фасад і дах — у 2012 годзе.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…