«Дзякуй, Гродна, за гэтую магчымасць». Як маскоўская спявачка выступала на Савецкай

Музыка Ірына Вецер з Масквы прыехала ў Беларусь у сярэдзіне верасня – змяніць абстаноўку. За час свайго падарожжа яна паспела пабываць і на Дні горада, і выступіць са сваімі песнямі на пешаходнай вуліцы.

Ірына Вецер – дзяўчына, якая піша песні пра няпростыя пачуцці. Часта выступае на вуліцы. У Беларусі яна была ўпершыню.

“Паехала ў Беларусь каб змяніць абстаноўку. Былі ў Мінску, Нясвіжы і Гродне. Я ўпершыню выступала ў іншай краіне, мне спадабалася, гэта цікавы вопыт. У Мінску асаблівай зацікаўленасці не бачылася, а ў Гродне атмасфера аказалася больш цёплай. Наогул, горад вельмі ўтульны, адчуваецца, што людзі тут больш адкрытыя для творчасці”.

Начыталася пра забароны

Ірына начыталася ў інтэрнэце пра нібыта забарону выступаў музыкаў на вуліцах Гродна з-за скаргаў жыхароў. Таму яна напісала ліст у адміністрацыю горада.

“Да паездкі пісалі ў адміністрацыю ліст з просьбай выдаць дазвол на выступ. Адказу не дачакаліся і проста рызыкнулі. Усё прайшло без непаразуменняў”.

На Савецкай вуліцы Ірыну слухала найбольш чалавек. Грошы, якія кідалі людзі, прыйшлося абменьваць на расійскія рублі, бо траціць іх у Гродне ўжо не было калі.

«Дзякуй, Гродна, за гэтую магчымасць». Як маскоўская спявачка выступала на Савецкай
Ірына Вецер

Грошы – прыемны бонус

За кароткі час побыту ў Гродне дзяўчына паспела заўважыць і ацаніць мясцовых музыкаў.

“Барышня, якая грае на гармоніку пад мінусоўку, выклікала абурэнне. Я супраць музыкаў, побач з якімі носіцца памочнік з капелюшом і суе яе ў нос. Я выходжу спяваць на вуліцу з адзінай мэтай – падзяліцца сваімі песнямі. А грошы – прыемны бонус.

У дзень горада пачула прыемную дзяўчыну, якая прафесійна спявае, яна выступала разам з бэндам і добрай апаратурай. Напэўна, мясцовыя яе ведаюць – доўгавалосая прыгажуня такая.

Але праблема вуліцы ў тым, што на ёй часцей за ўсё чуваць каверы, а мне хочацца пачуць нешта новае, тое, за што можа зачапіцца вуха. Хочацца чагосьці самабытнага. А не проста “крутога голаса” ў рамках песень, якія на слыху”.


“Агулам, дзякуй Гродна за гэтую магчымасць – праспяваць свае песні ў іншым горадзе і нават краіне. Гэта было выдатна”.



Алкогольная зависимость – это очень серьезное заболевание, с которым очень сложно бороться в одиночку. Вам знакомо понятие, что такое белая горячка? Если да, то здесь необходимо обращаться за помощью к профессионалам. Ведь в белой горячке больной становится потенциально опасен.



Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: