Дом № 308а па вуліцы Суворава здалі ў эксплуатацыю ў маі 2018 года. Праз тры месяцы, 17 жніўня, з-за бракаванай трубы затапіла кватэры з першага па шосты паверх. У рэдакцыю Hrodna.life звярнуўся адзін з жыхароў гэтага дома Міхаіл Парфёнаў і распавёў пра праблему і пра тое, як яе спрабавалі вырашыць гарадскія службы.
Міхаіл жыве на пятым паверсе. Прарыў трубы адбыўся паверхам вышэй. Вада палілася ў кватэры каля 21.00 і толькі ў 2.00 ночы жыхары скончылі прыбіраць яе.
«Мне патэлефанавалі суседзі і сказалі, што з маёй кватэры на лесвічную пляцоўку цячэ вада. Я адразу прыехаў, — расказвае Міхаіл. — Убачыў суседзяў каля дома, яны і расказалі, што прарыў трубы адбыўся на шостым паверсе і вада паступова паступае ўніз да першага паверха. За 20 хвілін затапіла ўсе кватэры. Мая больш за ўсіх пацярпела, бо знаходзіцца пад кватэрай, дзе прарвала трубу».
Каб вырашыць праблему жыхары дома сталі вызвоньваць аварыйную службу, але, са слоў Міхаіла, тыя не жадалі адразу ехаць.
«Яны лічылі, што не павінны наш дом абслугоўваць, — кажа Міхаіл. — Пакуль мы спрачаліся, хто павінен вырашаць праблему з трубой, кватэры працягвала затапліваць. Праз некаторы час аварыйнікі ўсё ж прыехалі, але яны не змаглі адкрыць падвал, бо ў іх не было ключоў. У выніку яны паехалі ў ЖЭС за ключамі, а вада тым часам працягвала паступаць у кватэры».
Пакуль аварыйная служба разбіралася, як адкрыць падвал, жыхары дома ўзламалі яго, але не разабраліся, дзе трэба перакрыць ваду. Жыхарам прыйшлося чакаць аварыйнікаў.
«Прыехалі аварыйнікі, адключылі ваду і з’ехалі. Мы патэлефанавалі ў міліцыю і МНС і аператыўна знайшлі жыхароў той кватэры. У іх у кватэры ўзровень вады быў амаль 7 см. Прасілі ў МНС шланг, каб адпампаваць ваду, але маёр сказаў, што зрабіць гэта немагчыма. У выніку жыхары арганізаваліся і прыбралі ваду ўручную», — дадаў Міхаіл.
Каля 20 жыхароў сабралася, каб разам вычэрпваць ваду на паверхах. На гэта ў іх пайшло некалькі гадзін.
«Ваду мы прыбралі, але засталіся без святла і выгод. Мая кватэра на пятым паверсе больш за ўсё пацярпела. Усё сырое і мокрае, жыць у такіх умовах немагчыма. Прэтэнзіі ў нас не да жыхароў кватэры на шостым паверсе, а да „Гроднажылбуда“. Як будаўнікі здавалі дом, што праз тры месяцы ў жыхароў сарвала трубу і пры гэтым пацярпелі ўсе?»
Атрымаць аператыўна каментар у «Гроднажылбуд» не ўдалося.
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…