У двары Новага замка раніцай 8 жніўня выклалі сушыць дываны, посцілкі і частку адзення з фондаў Гродзенскага гісторыка-археалагічнага музея. Многія рэчы датуюцца сярэдзінай 19 ст. і першай паловай 20 ст. Гэтыя фонды музея напрацягу дзесяцігоддзяў папаўняліся пры дапамозе жыхароў Гродна і навакольных вёсак. Прасушка тэкстыльных экспанатаў - штогадовая працэдура, неабходная для лепшага захоўвання рэчаў.
