Каля 9 раніцы 8 жніўня на трасе М6 паблізу Скідзеля адбылася аварыя з удзелам веласіпедысткі і грузавіка. MAN перавозіў тушы і субпрадукты жывёл на перапрацоўку. Перад ім на пешаходным пераходзе з’явілася веласіпедыстка-пенсіянерка. Кіроўца грузавіка паспрабаваў экстрана затармазіць, але зачапіў ровар, які апынуўся пад кабінай аўто.
Падчас экстраннага тармажэння з кузава грузавіка на праезжую частку вываліўся груз. У рэдакцыю autogrodno.by даслалі першыя фатаграфіі. Уразлівым глядзець не рэкамендуецца!
Пажылая веласіпедыстка атрымала пералом нагі і змешчана ў шпіталь. На месцы здарэння ўжо знаходзяцца супрацоўнікі міліцыі, яны абгарадзілі конусамі частку дарогі. Відавочцы кажуць, што пах вакол месца ДТЗ невыносны.
Смелыя могуць паглядзець фота крупным планам на autogrodno.by.
