Прымерыць вушкі і пакаштаваць рамэн. Сотня гродзенцаў прыйшла на анімэ-бал

Дзяўчынкі ў панчохах і спадніцах пад японскіх школьніц, хлопцы ў масках, каляровыя валасы і танцы пад карэйскую музыку – у Гродне прайшоў летні анімэ-бал.

Ніхто не чакаў такога наплыву людзей. Каля тайм-кафэ “Партал” паўстала сапраўдная чарга і паўгадзіны спатрэбілася толькі на тое, каб усе жадаючыя зайшлі. Ніхто не думаў, што цяпер аматараў японскіх мульцікаў у Гродне так шмат. “Ветэраны” руху ўзгадвалі, як калісьці збіраліся ў падвале і абмярковаўвалі анімэ – іх было чалавек 20. На балі ж найбольш было новага пакалення анімэшнікаў – школьнікаў 13-16 гадоў.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Чарга анімэшнікаў ля тайм-кафэ “Партал”. Хлопец апрануты ў японскую піжаму кігурумі, дзяўчына – у аналаг японскай школьнай формы.

Гульня ў пераапрананне

Некаторыя прыйшлі ў касцюмах любімых герояў. Такое хобі называецца касплэй. Аляксандра, вядомая пад нікам Чыбік, тлумачыць: лепш падбіраць герояў, падобных да цябе па камплекцыі, знешнасці і характары. Так іх прасцей адыграць.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Аляксандра “Чыбік” у вобразе Кірыта – героя анімэ Sword Art Online

– Людзі стараюцца падчас падрыхтоўкі касплэя вывучыць міміку героя, разабраць характар. Не толькі рухі цела, але і выраз твару, погляд, усмешка павінны адпавядаць герою. Людзей праваблівае, калі ты паглыбляешся ў гульню.

Чыбік падрыхтавала некалькі касцюмаў для анімэ-балу. Спачатку яна была Кірыта з Sword Art Online. Дарэчы, гэта персанаж-мужчына. Адзенне і абутак героя Аляксандра шыла ўручную. Пасля касплэіла Лісу з існуючага карэйскага гурта BlackPink.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Нэко-вушкі – такія, як на галаве дзяўчыны ў цэнтры фота – могуць стаць першы крокам да касплэю. Нэко – гэта “котка” на японскай мове. Вушкі маюць гераіні многіх анімэ, яны папулярныя і сярод японскіх дзяўчын

На падрыхтоўку касцюмаў сыходзіць каля месяца. Для натуральнаці вобразу выкарыстоўваюцца парыкі, накладныя вушы, атрыбутыка героя. Аляксандра кажа, што гэта яе хобі. Пакуль яна ўдзельнічае ў фестывалях па Беларусі. Восенню плануе паехаць на фестываль “ИгроМир 2018” и “Comic Con Russia 2018” у Маскву.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Анімэшніцы танцуюць пад сучасную карэйскую музыку. Яе называюць K-pop. Японскую поп-музыку адпаведна называюць J-pop. А ёсць яшчэ J-rock і шмат іншых з’яваў, не абавязкова музычных, з прыстаўкамі J i K.

Касцюм за 17 долараў

Маргарыта [на загалоўным фота ў пачатку артыкула] ўпершыню ўдзельнічала ў касплэі ў вобразе Рэм з анімэ Re:Zero. Яна купіла касцюм пакаёўкі на Аліэкспрэс за 17 долараў, пафарбавала валасы ў блакітны і набыла блакітныя лінзы.

Касплэер Роршаха з комікса “Watchmen” прыйшоў у шчыльнай масцы. У ёй цяжка бачыць і размаўляць, затое эфектна і адпавядае арыгіналу.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Роршах – герой папулярнага комікса Алана Мура “Watchmen”

На кірмашы можна было купіць плакаты, значкі, футболкі з выявай герояў. А таксама пакаштаваць смачнасці: рамэн – суп з лапшой, шакаладкі з дадаткамі, чыпсы з норы і палачкі Pocky – іх часта ядуць героі анімэ.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
У “Партале” ў гэты вечар можна было купіць японскія прадукты: рамэн (лапшу) і напой – канцэнтрат апельсіну з кавалкамі

– Калі мы ехалі, не ведалі, на што разлічваць: колькі людзей прыйдзе, які кантынгент, як ім зайдуць нашы фішкі. І тое, што прыйшло шмат людзей і актыўна ўдзельнічала, не можа не радаваць, – кажуць арганізатары з Мінска.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Чарга да крамы Okami.by. Дзяўчына трымае ў руках плакат гурта BTS. Гэта папулярны паўднёвакарэйскі бойбэнд. Яны граюць K-pop – карэйскую поп музыку, але ў іх адчуваецца таксама ўплыў хіп-хопу, року і іншых гатункаў

Яны плануюць прыязджаць у Гродна яшчэ. І матываваць удзельнікаў з падамогай прызоў ад крамаў-партнёраў “Ламповая Лавка” і Okami.by.

Прымерыць вушкі і пакаштаваць рамэн. Сотня гродзенцаў прыйшла на анімэ-бал
Удзельнікі робяць арыгамі. Гэта таксама частка японскай культуры

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: