Лідская абутковая фабрыка 1 жніўня адмовілася пастаўляць кеды для мінскага брэнду LSTR Adzieńnie, сказаў С**бодзе дырэктар кампаніі Ілля Аксёнаў.
«Мне патэлефанаваў дырэктар Лідскай фабрыкі і сказаў, што яны спыняюць з намі супрацу», — сказаў Аксёнаў.
Спойлер: ад 6 жніўня дырэктар Лідскай абутковай фабрыкі Уладзімір Чыжык будзе ў адпачынку. Кіраўнік LSTR Adzieńnie будзе спрабаваць дамовіцца пра выраб і пастаўку кедаў з намеснікам дырэктара фабрыкі.
Сёлета ў маі LSTR Adzieńnie сумесна з Лідскай абутковай фабрыкай выпусцілі кеды з выявай герба Калюмны. Класічную мадэль кедаў ЛМ-17 выпускаюць на фабрыцы больш за 30 гадоў. 40 параў абутку ў краме LSTR прадалі за дзень, і брэнд зрабіў буйнейшую замову.
Паводле Аксёнава, замову з 600 параў кедаў падзялілі на дзве партыі. Першую лідская фабрыка мусіла паставіць праз 3 тыдні пасля замовы, а паставіла ў канцы ліпеня. У гэты час прадстаўнікі фабрыкі не адказвалі на званкі. Не выканала фабрыка і наклад першай пастаўкі — замест 300 параў адгрузілі толькі 160. Аплата адбывалася па факце пастаўкі.
Аператыўна звязацца з прадстаўнікамі фабрыкі не атрымалася. У інтэрвью «Еўрарадыё» Чырык сказаў, што LSTR замаўляе дробныя партыі, не хоча браць «вялікі аб’ём» і патрабуе «свайго тэрміну».
«Ніхто нам пра памеры партыяў не казаў. Калі б ён сказаў, што яго не задавальняе, сказаў бы 2 тысячы. Сказалі, ну ок», — каментуе словы Чырыка Аксёнаў.
Атрымаўшы зменшаную партыю, брэнд не змог задаволіць попыт на лідскія кеды, не ўсе кліенты змаглі забраць 31 ліпеня сваю перадзамову.
На наступны дзень, 1 жніўня, LSTR паабяцаў пакупнікам, якія не змаглі набыць кеды, зніжку 25% на наступнае наведванне крамы і распавёў пра невыкананне фабрыкай папярэдніх дамоўленасцяў.
«На лідскую фабрыку сталі тэлефанаваць, журналісты сталі раскручваць, у выніку дырэктар пакрыўдзіўся і сказаў, што так справы не робяцца», — кажа Аксёнаў.
Кіраўнік LSTR Adzieńnie кажа, што будзе спрабаваць дамовіцца пра выраб і пастаўку абутку з намеснікам дырэктара лідскай фабрыкі пасьля 6 жніўня, калі дырэктар пойдзе ў адпачынак.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…