Колькасць залежных ад алкаголю ў Гродзенскай вобласці зменшылася, пры гэтым у выцвярэзніку свабодных месцаў няма

Колькасць залежных ад алкаголю ў Гродзенскай вобласці зменшылася, пры гэтым у выцвярэзніку свабодных месцаў няма. Восем месяцаў таму ў горадзе адкрыўся адзін з самых сучасных у краіне спецыялізаваных ізалятараў, ці, папросту, выцвярэзнік.

І як паказвае практыка, гэтая ўстанова аказалася вельмі запатрабаванай. Памяшканне, разлічанае на ўтрыманне 11 чалавек адначасова, ніколі не пустуе. Пераважная частка пацыентаў - мужчыны, тым не менш прадстаўніцы прыгожага полу тут таксама не рэдкасць. Сюды трапляюць не толькі тыя, хто быў заўважаны на вуліцах Гродна ў стане алкагольнага ап’янення, але і грамадзяне, якія здзейснілі правапарушэнні пад градусам, паведамляе «Гродно Плюс».

www.youtube.com/watch?v=b345lTKbPQo

— За шэсць месяцаў 2018 года ў спецыялізаваны ізалятар АУС адміністрацыі Ленінскага раёну г. Гродна было дастаўлена 1614 чалавек, з іх 1502 мужчыны, 112 жанчын. Ёсць грамадзяне, якія неаднаразова змяшчаліся ў спецыялізаваны ізалятар. У дачыненні да дадзенай катэгорыі грамадзян мы накіроўваем інфармацыю ў Гродзенскі абласны клінічны цэнтр «Псіхалогія-Наркалогія», а таксама тэрытарыяльныя АУС, для вырашэння пытання аб накіраванні на прымусовае лячэнне ў Лячэбна-працоўны прафілакторый, — кажа Аляксей Якубецкі, начальнік спецыялізаванага ізалятара АУС адміністрацыі ленінскага раёна горада Гродна.

Кліентаў у выцвярэзнік дастаўляюць з трох гадзін дня да васьмі раніцы. Па прыбыцці іх чакае медыцынскі агляд і штохвіліннае назіранне. Для жанчын прадугледжана асобнае памяшканне, а вось для асабліва буйных- спецыяльнае уціхамірвальнае крэсла. Дарэчы, ноч у выцвярэзніку — задавальненне не з танных, і абыдзецца для кліента ў 60 рублёў. А разам са штрафам сума можа даходзіць да 120 рублёў. Зрэшты, асноўная функцыя ізалятара не пакараць рублём, а падказаць, дзе і як вылечыцца ад алкагольнай залежнасці. Для гэтага наладжана цеснае супрацоўніцтва з гродзенскім цэнтрам «Псіхіятрыя-наркалогія».

— Сітуацыя, адназначна, ва ўсёй Рэспубліцы Беларусь і Гродзенскай вобласці ў тым ліку паляпшаецца. У плане таго, што колькасць людзей, пастаўленых пад наркалагічнае назіранне, становіцца менш. Па колькасці узятых пад назіранне апошнія тры гады прыкладна на паўтысячы чалавек менш, — кажа Максім Варонка, галоўны ўрач Гродзенскага абласнога клінічнага цэнтра «Псіхіятрыя-наркалогія».

Стацыянарныя аддзялення, амбулаторная дапамога, выезд на дом, кадоўка. На сённяшні дзень у дактароў існуюць арганізаваныя сэрвісы для людзей, якія дапамагаюць перайсці на умеранае ўжыванне алкаголю або зусім яго спыніць. У выніку, згодна з апошнімі дадзенымі за пяць гадоў у Гродзенскай вобласці колькасць пастаўленых на ўлік людзей скарацілася з 30 да 27 тысяч. Тая ж тэндэнцыя назіраецца і ў маладзёжным асяроддзі.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025