Яшчэ адзін прычал усталявалі на набярэжнай Нёмана

Гэта другі прычал, які ўсталявалі на Нёмане ў цэнтры Гродна за чэрвень. Першы прычал быў усталяваны для маламерных судоў, на ім базуецца рачное таксі. Новы – для цеплахода “Вольга Соламава”. Ён узведзены для зручнасці турыстаў.

Плыт для новага прычала рыхтавалі на працягу двух месяцаў, а ўсталявалі яго ля падножжа Старога замка ўсяго за некалькі гадзін.

“Цеплаход цяпер будзе адпраўляцца з двух розных берагоў у цэнтры Гродна. Усё будзе залежаць ад заявак. Мы разлічваем, што новы прычал будзе больш для турыстаў”, – расказвае намеснік дырэктара Гродзенскага філіяла прадпрыемства “Белводшлях” Вадзім Іўша.

Таксама прадстаўнік арганізацыі адзначыў, што на цеплаход попыт не ўпаў з-за з’яўлення воднага таксі. “Ёсць сур’ёзныя адрозненні – у нас салон камфартабельны, ды і рэйс у нас даўжэйшы, і цэні ніжэй”, – дадаў Вадзім Іўша.

Прычал ля падножжа Старога замка на зімовы перыяд будуць прыбіраць. Плануецца, што цеплаход “Вольга Соламава” будзе стаяць ля новага прычала ўжо 1 ліпеня на Дзень работнікаў воднага транспарту і 3 ліпеня на Дзень незалежнасці.

Яшчэ адзін прычал усталявалі на набярэжнай Нёмана
Яшчэ адзін прычал усталявалі на набярэжнай Нёмана

comments powered by HyperComments

Раім пачытаць

Каментары

Spelling error report

The following text will be sent to our editors: